قازاقستاننىڭ بٸرٸنشٸ, ەلەمنٸڭ 36-راكەتكاسى يۋلييا پۋتينتسەۆا تيانتسزين WTA تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
يۋ.پۋتينتسەۆا ەكٸنشٸ اينالىمدا اۋسترالييالىق, US Open تۋرنيرٸنٸڭ 2011 جىلعى چەمپيونى, قازٸر رەيتينگتە 91-ورىندا تۇرعان سامانتا ستوسۋرمەن كٷش سىناستى.
قازاقستاندىق تەننيسشٸ تەجٸريبەلٸ قارسىلاسىن 6:1, 6:2 ەسەبٸمەن تٸزە بٷكتٸردٸ.
بەسەكە بٸر ساعاتتان سەل استام ۋاقىتقا سوزىلدى.
يۋ.پۋتينتسەۆا جٷلدە قورى 500 مىڭ اقش دوللارىنا باعالانعان تۋرنيردٸڭ جارتىلاي فينالىنا شىعۋ ٷشٸن تۋنيس ەلٸنٸڭ ٶكٸلٸ, ەلەمنٸڭ 61-راكەتكاسى ونس جابەرمەن تالاسادى.
ەسكە سالا كەتەيٸك, بۇدان بۇرىن ەلەنا رىباكينانىڭ لينتس تۋرنيرٸن سەتتٸ باستاعانىن جازعان بولاتىنبىز.
