قازاقستاندىق تەننيسشٸ, ەلەمنٸڭ 31-راكەتكاسى يۋلييا پۋتينتسەۆا چارلستون (اقش) WTA 500 تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
يۋ.پۋتينتسەۆا ٷشٸنشٸ اينالىمدا ەلەمنٸڭ 13-ٸنشٸ, وسى جارىستىڭ 6-راكەتكاسى, يسپانييالىق گاربينە مۋگۋرۋسامەن كەزدەستٸ.
بٸرٸنشٸ پارتييادا يسپانييالىق تەننيسشٸ بٸردە-بٸر گەيم بەرگەن جوق – 6:0.
ەكٸنشٸ سەتتە قازاقستاندىق سپورتشى برەيكپەن العا شىققانىمەن, گ.مۋگۋرۋسا تارازى باسىن تەڭەستٸردٸ – 2:2. بۇدان كەيٸن يسپانييالىق تەننيسشٸ دوپ بەرگەن گەيم تارتىستى ٶربٸدٸ. ەسەپ 40:40 بولعان مەزەتتە ٶزٸن جايسىز سەزٸنگەن گ.مۋگۋرۋسا جارىستى جالعاستىرۋدان باس تارتتى.
بەسەكە 1 ساعاتقا سوزىلدى.
يۋ.پۋتينتسەۆا جارتىلاي فينالعا شىعۋ ٷشٸن ەلەمنٸڭ 11-راكەتكاسى, چەحييالىق پەترا كۆيتوۆا نەمەسە رەيتينگتە 91-ورىندا تۇرعان چەرنوگورييالىق دانكا كوۆينيچتٸڭ بٸرەۋٸمەن تالاسادى.
