قازاقستاندىق يۋلييا پۋتينتسەۆا چجەنچجوۋ (قىتاي) WTA تۋرنيرٸنٸڭ ەكٸنشٸ اينالىمىنا شىقتى, دەپ حابارلايدى "ۇلت اقپارات".
قازاقستاننىڭ بٸرٸنشٸ راكەتكاسى يۋلييا پۋتينتسەۆا العاشقى اينالىمدا سلوۆەنييالىق تامارا زيدانشەكپەن كەزدەستٸ.
قوس تەننيسشٸنٸڭ بۇعان دەيٸن ٶزارا ەكٸ رەت جولدارى توقايلاسقان ەكەن. راباتتا ت.زيدانشەك باسىمدىلىق كٶرسەتسە, نيۋرنبەرگ تۋرنيرٸنٸڭ فينالىندا يۋ.پۋتينتسەۆا ۇتىپ, جارىس جەڭٸمپازى اتانعان بولاتىن.
بٸرٸنشٸ پارتييادا قازاقستاندىق تەننيسشٸ بەت قاراتقان جوق – 6:1.
تارتىستى ٶربٸگەن ەكٸنشٸ سەتتە ەسەپ 3:2 بولعان مەزەتتە يۋ.پۋتينتسەۆا برەيك جاساي بٸلدٸ – 4:2. دەگەنمەن ول ماتچقا دوپ بەرگەندە, مٷمكٸندٸگٸن پايدالانا العان جوق. زيدانشەك قاتارىنان تٶرت گەيمدٸ الدى – 7:5.
ٷشٸنشٸ, شەشۋشٸ پارتييانى پۋتينتسەۆا برەيكپەن باستادى – 2:0. تاعى بٸر برەيك – 5:1. بۇل جولى ماتچقا دوپ بەرگەندە, ەسەسٸن جٸبەرمەدٸ – 6:1.
ماتچ 2 ساعات 17 مينۋتقا سوزىلدى.
وسىلايشا ٶزارا بەسەكەدە پۋتينتسەۆا 2:1 ەسەبٸمەن العا شىقتى.
جٷلدە قورى 1,5 ملن اقش دوللارى بولاتىن جارىستىڭ ەكٸنشٸ اينالىمىندا يۋلييا پۋتينتسەۆا ەلەمنٸڭ ٷشٸنشٸ, وسى تۋرنيردٸڭ 2-راكەتكاسى, ۋكراينالىق ەلينا سۆيتولينامەن كەزدەسەدٸ. ە.سۆيتولينا مۇنىڭ الدىندا US Open تۋرنيرٸندە تابىستى ٶنەر كٶرسەتٸپ, جارتىلاي فينالعا دەيٸن جەتكەن ەدٸ.
ەسكە سالا كەتەيٸك, بۇدان بۇرىن زارينا ديياستىڭ حيروسيما تۋرنيرٸن جەڭٸسپەن باستاعانىن جازعان بولاتىنبىز.
