قازاقستاندىق الەكساندر نەدوۆەسوۆ سەربييالىق ۆيكتور ترويتسكيمەن بٸرگە جۇپتىق سىندا ەلوردادا Forte Challenger 125 تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".
قازاقستان تەننيس فەدەراتسيياسىنىڭ باسپاسٶز قىزمەتٸ مەلٸم ەتكەنٸندەي, جارىستىڭ 3-راكەتكالارى بولىپ تٸركەلگەن ا.نەدوۆەسوۆ پەن ۆ.ترويتسكي شيرەك فينالدا تاعى بٸر قازاقستاندىق دميتريي پوپكو – گرۋزييالىق الەكساندر مەترەۆەليمەن كەزدەسۋٸ كەرەك ەدٸ.
تۋرنيردٸڭ رەسمي ٶكٸلٸنٸڭ مەلٸمەتٸنە قاراعاندا, ا.مەترەۆەلي جاتتىعۋ كەزٸندە بۇلشىق ەتٸن سوزىپ العان.
وسىلايشا قازاقستاندىق-سەربييالىق جۇپ ويناماستان جارتىلاي فينالعا جولداما الدى. ولاردىڭ جارتىلاي فينالداعى قارسىلاسى كەيٸن انىقتالادى.
بٷگٸن سونداي-اق تاعى ەكٸ قازاقستاندىق تەننيسشٸ جۇپتىق سىندا كورتقا شىعادى. گريگوريي لوماكين ۋكراينالىق ۆلاديسلاۆ مانافوۆپەن بٸرگە كانادالىقتار پەتر پولانسكي مەن برايدەن شنۋرمەن شەبەرلٸك بايقاسادى. ال تيموفەي سكاتوۆ فين وتتو ۆيرتانەنمەن بٸرگە وسى دودانىڭ 1-راكەتكالارى, امەريكالىقتار دجەكسون ۋيزروۋ – ناتانيەل لەممونسپەن كەزدەسەدٸ.
