قازاقستاندىق الەكساندر نەدوۆەسوۆ جۇپتىق سىندا براتيسلاۆا (سلوۆاكييا) چەللەندجەر تۋرنيرٸنٸڭ جارتىلاي فينالىنا شىقتى, دەپ حابارلايدى "ۇلت اقپارات".
قازاقستاندىق تەننيسشٸ ۋكراينالىق دەنيس مولچانوۆپەن بٸرگە شيرەك فينالدا شۆەيتسارييالىق لۋكا مارگارولي - ٷندٸستاندىق شريرامبالا ناراياناسۆاميمەن شەبەرلٸك بايقاستى.
بٸرٸنش پارتييادا شۆەيتسارييالىق-ٷندٸستاندىق جۇپ 6:2 ەسەبٸمەن باسىم تٷستٸ.
ەكٸنشٸ سەتتە ا.نەدوۆەسوۆ پەن د.مولچانوۆ ەسە قايىردى - 7:5.
قازاقستاندىق-ۋكراينالىق جۇپ سۋپەر تاي-برەيكتە جەڭٸستٸ جۇلىپ الدى - 10:8.
تارتىستى بەسەكە 1 ساعات 44 مينۋتقا سوزىلدى.
تاعى بٸر قازاقستاندىق دميتريي پوپكو مىسىرلىق موحامەد ساۆفاتپەن بٸرگە جۇپتىق سىندا الماتى چەللەندجەر تۋرنيرٸنٸڭ جارتىلاي فينالىنا ٶتە الماي قالدى. ولار چيليلٸك توماس بارريوس - يتالييالىق ريككاردو بوناديوعا ەسە جٸبەردٸ.
