قازاقستاننىڭ بٸرٸنشٸ, ەلەمنٸڭ 17-راكەتكاسى ەلەنا رىباكينا US Open تۋرنيرٸنٸڭ ٷشٸنشٸ اينالىمىنا شىعا المادى, دەپ حابارلايدى "ۇلت اقپارات".
جٷلدە قورى 53,4 ملن اقش دوللارىنا باعالانعان «ٷلكەن دۋلىعا» جارىسىنىڭ 11-راكەتكاسى بولىپ تٸركەلگەن ە.رىباكينا ەكٸنشٸ اينالىمدا رەيتينگتە 93-ورىندا تۇرعان امەريكالىق شەلبي رودجەرسپەن كورتقا شىقتى.
قازاقستاندىق تەننيسشٸ بيىل 21-گە تولسا, تەجٸريبەلٸ قارسىلاسى 27-دە ەدٸ.
بٸرٸنشٸ پارتييادا بٸردەن جيناقى ويناعان امەريكالىق سپورتشى برەيكپەن العا كەتتٸ. دەگەنمەن ەسەپ 3:5 بولعان مەزەتتە ەلەنا قايىرا برەيك جاساپ, ٶز گەيمٸن دە جٸبەرمەدٸ – 5:5. بٸراق قارسىلاسى سەتتٸ تاعى بٸر برەيكپەن تٷيٸندەدٸ – 7:5.
ەكٸنشٸ سەتتە ەسەپ 2:1 بولعاندا ش.رودجەرس برەيك جاساپ كەتتٸ – 3:1. تاعى بٸر برەيك – 5:1. اقىرى ول ون مينۋتتان استام ۋاقىتقا سوزىلعان سوڭعى تارتىستى گەيمدە التىنشى ماتچبولىن پايدالانا الدى – 6:1.
بەسەكە 1 ساعات 28 مينۋتقا سوزىلدى.
ش.رودجەرس ٷشٸنشٸ اينالىمدا ەلەمنٸڭ 25-راكەتكاسى, ۋكراينالىق دايانا ياسترەمسكايا نەمەسە رەيتينگتە 84-ساتىداعى امەريكالىق مەديسون برەنگلدٸڭ بٸرەۋٸمەن كەزدەسەدٸ.
