قازاقستاننىڭ بٸرٸنشٸ راكەتكاسى ەلەنا رىباكينا ەلەمدٸك رەيتينگتە 26-ورىنعا كٶتەرٸلدٸ, – دەپ حابارلايدى "ۇلت اقپارات".
ٶتكەن سەنبٸ كٷنٸ اۋستراليياداعى حوبارت تۋرنيرٸنٸڭ جەڭٸسپازى اتانعان ە.رىباكينا وسىلايشا رەيتينگتەگٸ ٶزٸنٸڭ جەكە رەكوردىن جاڭارتىپ قانا قويماي, قازاقستاندىقتاردىڭ ٷزدٸك كٶرسەتكٸشٸنە جاقىن قالىپ تۇر. 2012 جىلى ياروسلاۆا شۆەدوۆا 25-ورىنعا كٶتەرٸلگەن ەدٸ.
بٷگٸن باستالعان اۋسترالييا اشىق چەمپيوناتىنىڭ 29-راكەتكاسى بولىپ تٸركەلگەن ە.رىباكينا العاشقى ماتچىن رەيتينگتە 65-ساتىداعى امەريكالىق بەرناردا پەرامەن ٶتكٸزەدٸ. وسى «ٷلكەن دۋلىعا» دوداسىندا سەتتٸ ٶنەر كٶرسەتسە, قازاقستاندىق تەننيسشٸ رەيتينگتە ودان سايىن جوعارىلايتىنى انىق.
تاعى بٸر قازاقستاندىق يۋلييا پۋتينتسەۆا رەيتينگتە 36-دان 38-گە تٶمەندەسە, زارينا ديياس 73-ورنىندا قالدى. بۇل ەكەۋٸ اۋسترالييا اشىق چەمپيوناتىندا ەرتەڭ وينايدى. يۋ.پۋتينتسەۆا ٶزٸنەن بٸر ساتى جوعارى تۇرعان تايبەيلٸك سە شۋۆەيمەن, ز.ديياس ەلەمنٸڭ 24-راكەتكاسى, امەريكالىق اماندا انيسيموۆامەن شەبەرلٸك بايقاسادى.
ەرلەر اراسىندا جەكەلەي سىندا الەكساندر بۋبليك پەن ميحايل كۋكۋشكين كورتقا بٷگٸن شىعادى. ەكەۋٸنٸڭ دە قارسىلاستارى – اۋسترالييالىقتار. ا.بۋبليك دجوردان تومپسونمەن, م.كۋكۋشكين مارك پولمانسپەن كٷش سىناسادى.
ەسكە سالا كەتەيٸك, بۇدان بۇرىن اندرەي گولۋبەۆ پەن الەكساندر نەدوۆەسوۆتٸڭ جۇپتىق سىندا بانگكوك تۋرنيرٸنٸڭ جەڭٸمپازى اتانعانىن جازعان بولاتىنبىز.
