قازاقستاندىق, رەيتينگتە 184-ورىندا تۇرعان دميتريي پوپكو سانكت-پەتەربۋرگ چەللەندجەر تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
وسى جارىستىڭ 2-راكەتكاسى بولىپ تٸركەلگەن د.پوپكو ەكٸنشٸ اينالىمدا وتانداسى, رەيتينگتە 395-ساتىداعى دەنيس ەۆسەەۆپەن كەزدەستٸ.
بٸرٸنشٸ پارتييادا پوپكو 6:4 ەسەبٸمەن جەڭٸسكە جەتتٸ. ەكٸنشٸسٸندە ەۆسەەۆ ەسە قايىردى - 6:2.
ٷشٸنشٸ, شەشۋشٸ سەتتە برەيك جاساعان پوپكو سول باسىمدىلىعىنان ايىرىلعان جوق - 6:4.
قوس قازاقستاندىق اراسىنداعى تارتىستى بەسەكە 2 ساعات 8 مينۋتقا سوزىلدى.
د.پوپكو جٷلدە قورى 52 مىڭ اقش دوللارىنان اساتىن دودانىڭ جارتىلاي فينالىنا شىعۋ ٷشٸن ەلەمنٸڭ 226-ىنشى, وسى تۋرنيردٸڭ 5-راكەتكاسى, گەرمانييالىق رۋدولف مەللەكەر نەمەسە رەيتينگتە 332-ساتىداعى چەحييالىق يرجي لەحەچكانىڭ بٸرەۋٸمەن تالاسادى.
