قازاقستاندىق اننا دانيلينا جۇپتىق سىندا دۋبايداعى ITF W 100 تۋرنيرٸنٸڭ شيرەك فينالىنا شىقتى, دەپ حابارلايدى قازاقپارات.
قازاقستان تەننيس فەدەراتسيياسى مەلٸم ەتكەنٸندەي, جارىستىڭ بٸرٸنشٸ راكەتكالارى بولىپ تٸركەلگەن دانيلينا سلوۆاكييالىق ۆيكتورييا كۋزموۆامەن بٸرگە بەتاشار ويىندارىندا رەسەيلٸكتەر وكسانا سەلەحمەتەۆا – اناستاسييا گاسانوۆامەن كەزدەستٸ.
بٸرٸنشٸ پارتييادا دانيلينا مەن كۋزموۆا ٷش برەيكتٸڭ نەتيجەسٸندە باسىمدىلىق تانىتتى – 6:3.
ەكٸنشٸ سەتتە قازاقستاندىق-سلوۆاكييالىق جۇپ 2:4 ەسەبٸمەن ۇتىلىپ جاتىپ, تارازى باسىن تەڭەستٸردٸ. سوسىن 5:5 بولعان مەزەتتە تاعى بٸر برەيك جاساپ, ٶز گەيمدەرٸن دە الدى – 7:5.
دانيلينا مەن كۋزموۆا جارتىلاي فينالعا شىعۋ ٷشٸن تٷركييالىق بەرفۋ چەنگيز – پولشا ٶكٸلٸ ۆەرونيكا فالكوۆسكا نەمەسە سلوۆاكييالىق كريستينا كۋتسوۆا – رەناتا ۆوراكوۆا جۇپتارىنىڭ قاي جەڭگەنٸمەن تالاسادى.
جەكەلەي سىندا دانيلينا العاشقى اينالىمدا گاسانوۆاعا ەسە جٸبەردٸ – 1:6, 4:6.
