قازاقستاننىڭ بٸرٸنشٸ, ەلەمنٸڭ 44-راكەتكاسى الەكساندر بۋبليك مايامي ATP 1000 تۋرنيرٸنٸڭ شيرەك فينالىنا شىقتى, دەپ حابارلايدى "ۇلت اقپارات".
ا.بۋبليك تٶرتٸنشٸ اينالىمدا ەلەمنٸڭ 32-ٸنشٸ, وسى جارىستىڭ 22-راكەتكاسى تەيلور فريتسپەن كەزدەستٸ.
قوس تەننيسشٸ 23 جاستا. بۇعان دەيٸن ەكٸ مەرتە ٶزارا كەزدەسٸپ, ەكەۋٸندە دە قازاقستاندىق تەننيسشٸ جەڭٸسكە جەتكەن.
بٸرٸنشٸ پارتييا قارسىلاستاردىڭ برەيك الماسۋىمەن باستالدى. سودان كەيٸن ا.بۋبليك 3:1 ەسەبٸمەن العا شىققانىمەن, ت.فريتس تارازى باسىن تەڭەستٸردٸ. تاي-برەيكتە امەريكالىق تەننيسشٸ ازىراق قاتەلەستٸ – 7:6 (7:5).
ەكٸنشٸ سەتتە ا.بۋبليك برەيكپەن العا كەتتٸ – 4:2. سوسىن تٶرتٸنشٸ سەتبولىن پايدالانا الدى – 6:3.
ٷشٸنشٸ, شەشۋشٸ پارتييادا ەسەپ 2:2 بولعان مەزەتتە قازاقستاندىق سپورتشى برەيك جاساي بٸلدٸ. تاعى بٸر برەيك – 5:2. بۇدان كەيٸن امەريكالىق تەننيسشٸ ەسەپتٸ قىسقارتقانىمەن, ا.بۋبليك ەكٸنشٸ رەت ماتچقا دوپ بەرگەندە, ٶز مٷمكٸندٸگٸن مٷلت جٸبەرگەن جوق – 6:4.
تارتىستى بەسەكە 2 ساعات 12 مينۋتقا سوزىلدى.
ماتچ بارىسىندا بۋبليك 23 رەت ەيس جاسادى.
وسىلايشا قازاقستاندىق تەننيسشٸ ٶز سپورتتىق جولىندا العاش رەت «ٷلكەن دۋلىعا» تۋرنيرلەرٸنەن كەيٸنگٸ ەڭ بەدەلدٸ جارىس سانالاتىن ماستەرس دوداسىنىڭ شيرەك فينالىنا شىقتى.
بۋبليك جٷلدە قورى 3,34 ملن اقش دوللارىنا باعالانعان مايامي دوداسىنىڭ جارتىلاي فينالىنا شىعۋ ٷشٸن ەلەمنٸڭ 31-راكەتكاسى, يتالييالىق ياننيك سيننەرمەن تالاسادى. يا.سيننەر تٶرتٸنشٸ اينالىمدا رەيتينگتە 83-ورىندا تۇرعان فين سپورتشىسى ەميل رۋۋسۋۆۋوريدٸ 6:3, 6:2 ەسەبٸمەن ۇتتى.
بۇدان بۇرىن دۋباي جارىسىندا ا.بۋبليك تارتىستى ماتچتا يتالييالىق تەننيسشٸدەن جەڭٸلٸپ قالعان بولاتىن.
