تەننيستەن الەكساندر بۋبليك قازاقستاننىڭ بٸرٸنشٸ راكەتكاسى اتاندى, دەپ حابارلايدى "ۇلت اقپارات".
بٷگٸن جاڭارتىلعان دٷنيەجٷزٸلٸك رەيتينگتە ا.بۋبليك 71-ساتىدان بٸردەن 57-ورىنعا كٶتەرٸلدٸ.
بۇعان دەيٸن قازاقستاننىڭ بٸرٸنشٸ راكەتكاسى بولعان ميحايل كۋكۋشكين ەكٸ ساتىعا تٶمەندەپ, 60-ورىنعا جايعاستى.
ا.بۋبليكتٸڭ بٸردەن 14 ورىنعا جوعارىلاۋىنا قىتايداعى چەندۋ تۋرنيرٸندە تابىستى ويناۋى مٷمكٸندٸك بەردٸ. وندا ول فينالعا دەيٸن جەتٸپ, يسپانييالىق پابلو كاررەنو-بۋستادان جەڭٸلٸپ قالدى.
م.كۋكۋشكيننٸڭ قايتادان بٸرٸنشٸ راكەتكا اتاناتىنداي مٷمكٸندٸگٸ بار. ول ٷشٸن بەيجٸڭ تۋرنيرٸندە سەتتٸ ٶنەر كٶرسەتۋٸ كەرەك. م.كۋكۋشكين العاشقى اينالىمدا وسى جارىستىڭ 6-راكەتكاسى, يتالييالىق فابيو فونينيمەن شەبەرلٸك بايقاسادى.
ەيەلدەر اراسىنداعى رەيتينگتە قازاقستاننىڭ بٸرٸنشٸ راكەتكاسى يۋلييا پۋتينتسەۆا 38-دەن 37-گە, سونداي-اق ەلەنا رىباكينا 50-دەن 43-كە, زارينا ديياس 78-دەن 77-ورىنعا كٶتەرٸلدٸ.
ەسكە سالا كەتەيٸك, بۇدان بۇرىن ا.بۋبليكتٸڭ چەندۋ تۋرنيرٸنٸڭ فينالىندا ۇتىلىپ قالعانىن, يۋ.پۋتينتسەۆانىڭ ەلەمنٸڭ 1-راكەتكاسىمەن كەزدەسەتٸنٸن جازعان بولاتىنبىز.
