بوكستان بەلگرادتا ٶتٸپ جاتقان ەلەم چەمپيوناتىندا تٶرتٸنشٸ قازاقستاندىق بوكسشى فينالعا شىقتى, دەپ حابارلايدى "ۇلت اقپارات".
57 كەلٸگە دەيٸنگٸ سالماقتا سىنعا تٷسكەن سەرٸك تەمٸرجانوۆ جارتىلاي فينالدا كۋبالىق وسۆەل گارسييا كابالەرونى ۇتتى.
بٸرٸنشٸ راۋندتىڭ سوڭىندا قارسىلاسىن نوكداۋنعا جٸبەرٸپ, قالعان ەكٸ راۋندتا دا باسىمدىق تانىتقان سەرٸك 3:2 ەسەبٸمەن جەڭٸسكە جەتتٸ.
وسىلايشا, قازاقستان كومانداسىنىڭ تٶرتٸنشٸ بوكسشىسى فينالدا باق سىناماق. سەرٸك تەمٸرجانوۆتىڭ اقتىق جەكپە-جەكتەگٸ قارسىلاسى - امەريكالىق دجامال حارۆي.
ەسكە سالا كەتەيٸك, بۇعان دەيٸن ەل قۇراماسىنان تەمٸرتاس جٷسٸپوۆ (48 كەلٸ), ماحمۋد سابىرحان (54 كەلٸ) فينالعا شىققان بولاتىن.
كەشكٸ سەسسييادا سەكەن بيبوسىنوۆ فينالعا بەرٸلگەن ٷشٸنشٸ جولداماعا يە بولدى.
ال ابىلايحان جٷسٸپوۆ (67 كەلٸ) جاپون سەۆونرەتس وكادزاۆاعا ەسە جٸبەرٸپ, قولا جٷلدەنٸ قاناعات تۇتتى.
