قاراعاندى وبلىسىنىڭ تەمٸرتاۋ قالاسىندا تۇرعىنداردىڭ ٷيلەرٸنە جىلۋ بەرٸلە باستادى, دەپ حابارلايدى "ۇلت اقپارات".
پەتەرلەردەگٸ ورتاشا تەمپەراتۋرا 19-21 گرادۋستى قۇرايدى. «ارسەلورميتتال تەمٸرتاۋ» جەو-2 بەس قازاندىقتى دا ٸسكە قوستى.
قاراعاندى وبلىسىنىڭ ەكٸمدٸگٸ تەمپەراتۋرا ەلٸ دە نورمادان تٶمەن بولىپ وتىرعان ٷيلەردٸڭ تۇرعىندارىنا مەسەلەنٸ انىقتاۋ ٷشٸن جەدەل جەلٸ نٶمٸرلەرٸنە حابارلاسۋدى سۇرايدى:
- ەكٸمدٸكتٸڭ ديسپەتچەرلٸك بٶلٸمٸ - 44-43-22;
- «وقجەتپەس - ت» ديسپەتچەرلٸك بٶلٸمٸ - 98-06-66.
ەستەرٸڭٸزگە سالا كەتەيٸك, تەمٸرتاۋ قالاسىندا 3 قازاندىقتىڭ اۆارييالىق توقتاۋى بولعان ەدٸ. سونىڭ سالدارىنان پەتەرلەردە تەمپەراتۋرا نورمادان تٶمەن تٷسٸپ كەتتٸ.
قاراعاندى وبلىسىنىڭ ەكٸمٸ جەڭٸس قاسىمبەك وسى جاعداي بويىنشا كەڭەس ٶتكٸزٸپ, وبلىس پروكۋراتۋراسىنا, ٶنەركەسٸپتٸك قاۋٸپسٸزدٸك پەن ەنەرگوباقىلاۋعا كەشەندٸ تەكسەرۋ جٷرگٸزۋدٸ تاپسىردى. سونداي-اق, ٶڭٸر باسشىسى بيىل جەو-2-دە 7-شٸ قازاندىقتىڭ قۇرىلىسىن اياقتاۋدى تاپسىردى.
