فوتو: Pexels.com
تەمٸرتاۋدا جاسٶسپٸرٸمدەردٸڭ زەينەتكەردٸ ۇرىپ-سوعۋى ەرەكەتٸنەن كەيٸن قالا ەكٸمٸنٸڭ ەلەۋمەتتٸك مەسەلەلەر جٶنٸندەگٸ ورىنباسارىنا قاتاڭ سٶگٸس جارييالاناتىن بولدى. بۇل تۋرالى قاراعاندى وبلىسىنىڭ ەكٸمٸ مەلٸم ەتتٸ, دەپ حابارلايدى Ult.kz.
ەرماعانبەت بٶلەكپاەۆتىڭ Facebook جەلٸسٸندە حابارلاۋىنشا, بٷگٸن وبلىس ەكٸمٸنٸڭ ورىنباسارى ەلٸبەك ەلدەنەي قاراعاندى وبلىسى بويىنشا كەمەلەتكە تولماعانداردىڭ ٸستەرٸ جەنە ولاردىڭ قۇقىقتارىن قورعاۋ جٶنٸندەگٸ كوميسسييانىڭ وتىرىسىن ٶتكٸزگەن.
"تەمٸرتاۋ قالاسى ەكٸمٸنٸڭ ەلەۋمەتتٸك مەسەلەلەر جٶنٸندەگٸ ورىنباسارىنا كەمەلەتكە تولماعاندارعا تيٸسٸنشە باقىلاۋ جاساماعانى ٷشٸن قاتاڭ سٶگٸس جارييالاۋدى تاپسىردىم", - دەپ جازدى وبلىس ەكٸمٸ ەرماعانبەت بٶلەكپاەۆ.
سونداي-اق جاسٶسپٸرٸمدەر وقىعان بٸلٸم بەرۋ مەكەمەلەرٸ ديرەكتورلارىنىڭ ورىنباسارلارى تەرتٸپتٸك جاۋاپكەرشٸلٸككە تارتىلدى.
"بٸز جاسٶسپٸرٸمدەر اگرەسسيياسىنا سٶزسٸز الاڭدايمىز جەنە بولاشاقتا وسىنداي وقىس وقيعالاردى ازايتۋ بويىنشا قوسىمشا شارالار ەزٸرلەۋگە كٸرٸسەمٸز. بارلىق كٸنەلٸ قولدانىستاعى زاڭناما اياسىندا جاۋاپكەرشٸلٸككە تارتىلادى. بۇل وقيعا بويىنشا پوليتسييا تەرگەۋ جٷرگٸزٸپ جاتىر", - دەلٸنگەن ەكٸمنٸڭ جازباسىندا.
سونداي-اق وبلىس ەكٸمٸ اتا-انالاردان, پەداگوگتاردان بالالاردى تەربيەلەۋگە جەنە ولاردىڭ باسقا ادامدارعا قۇرمەتپەن قاراۋىن, دۇرىس قۇندىلىقتاردى قالىپتاستىرۋعا كٶبٸرەك كٶڭٸل بٶلۋدٸ سۇرادى.
ەسكە سالا كەتەيٸك, تەمٸرتاۋلىق جاسٶسپٸرٸمدەر جالعىزباستى ەر ادامنىڭ ٷيٸنە باسا-كٶكتەپ كٸرٸپ, ۇرىپ-سوققان. قاراعاندى وبلىسىنىڭ پوليتسييا دەپارتامەنتٸ ٶكٸلدەرٸ تەمٸرتاۋ قالاسىنىڭ 67 جاستاعى تۇرعىنىنا جاسالعان شابۋىل فاكتٸسٸنە قاتىستى قىلمىستىق ٸس قوزعالعانىن حابارلادى.
