Foto: Pexels.com
Temirtaýda jasóspirimderdiń zeinetkerdi uryp-soǵýy áreketinen keiin qala ákiminiń áleýmettik máseleler jónindegi orynbasaryna qatań sógis jariialanatyn boldy. Bul týraly Qaraǵandy oblysynyń ákimi málim etti, dep habarlaidy Ult.kz.
Ermaǵanbet Bólekpaevtyń Facebook jelisinde habarlaýynsha, búgin oblys ákiminiń orynbasary Álibek Áldenei Qaraǵandy oblysy boiynsha kámeletke tolmaǵandardyń isteri jáne olardyń quqyqtaryn qorǵaý jónindegi komissiianyń otyrysyn ótkizgen.
"Temirtaý qalasy ákiminiń áleýmettik máseleler jónindegi orynbasaryna kámeletke tolmaǵandarǵa tiisinshe baqylaý jasamaǵany úshin qatań sógis jariialaýdy tapsyrdym", - dep jazdy oblys ákimi Ermaǵanbet Bólekpaev.
Sondai-aq jasóspirimder oqyǵan bilim berý mekemeleri direktorlarynyń orynbasarlary tártiptik jaýapkershilikke tartyldy.
"Biz jasóspirimder agressiiasyna sózsiz alańdaimyz jáne bolashaqta osyndai oqys oqiǵalardy azaitý boiynsha qosymsha sharalar ázirleýge kirisemiz. Barlyq kináli qoldanystaǵy zańnama aiasynda jaýapkershilikke tartylady. Bul oqiǵa boiynsha politsiia tergeý júrgizip jatyr", - delingen ákimniń jazbasynda.
Sondai-aq oblys ákimi ata-analardan, pedagogtardan balalardy tárbieleýge jáne olardyń basqa adamdarǵa qurmetpen qaraýyn, durys qundylyqtardy qalyptastyrýǵa kóbirek kóńil bólýdi surady.
Eske sala keteiik, temirtaýlyq jasóspirimder jalǵyzbasty er adamnyń úiine basa-kóktep kirip, uryp-soqqan. Qaraǵandy oblysynyń politsiia departamenti ókilderi Temirtaý qalasynyń 67 jastaǵy turǵynyna jasalǵan shabýyl faktisine qatysty qylmystyq is qozǵalǵanyn habarlady.
