فوتو: اشىق دەرەككٶز
اقتٶبە وبلىسىندا ينتەرنەت ارقىلى ەسٸرتكٸ ساۋداسىن ۇيىمداستىرعان قىلمىستىق توپ مٷشەلەرٸ 15 جىلدان 17 جىلعا دەيٸن باس بوستاندىعىنان ايىرىلدى, دەپ حابارلايدى Ult.kz.
قۇقىق قورعاۋ ورگاندارىنىڭ مەلٸمەتٸنشە, قىلمىستىق جەلٸ «Telegram» مەسسەندجەرٸ ارقىلى جۇمىس ٸستەپ, ەسٸرتكٸنٸ «كونتاكتٸسٸز جەتكٸزۋ» تەسٸلٸمەن تاراتقان. تاپسىرىستار ونلاين قابىلدانىپ, تٶلەمدەر «دروپپەرلەردٸڭ» بانكتٸك كارتالارى ارقىلى جٷرگٸزٸلگەن.
جەدەل-تەرگەۋ شارالارى بارىسىندا قازاقستاننىڭ بٸرنەشە ٶڭٸرٸندە ەرەكەت ەتكەن 6 ادامنان تۇراتىن ۇيىمداسقان توپ ۇستالدى. تەرگەۋ كەزٸندە 10 كەلٸدەن استام پسيحوتروپتىق زات تەركٸلەنٸپ, زاڭسىز اينالىم توقتاتىلدى.
سوت ٷكٸمٸمەن كٷدٸكتٸلەر كٸنەلٸ دەپ تانىلىپ, ۇزاق مەرزٸمگە سوتتالدى.
سونىمەن قاتار, تەرگەۋ بارىسىندا مىڭداعان بانكتٸك شوتتار مەن شەتەلدٸك كارتالار بۇعاتتالىپ, ەسٸرتكٸ جارنامالاعان جٷزدەگەن Telegram-ارناعا شەكتەۋ قويىلعان.
مامانداردىڭ ايتۋىنشا, ينتەرنەت ارقىلى ەسٸرتكٸ تاراتۋ – قازٸرگٸ تاڭدا ەڭ قاۋٸپتٸ قىلمىستاردىڭ بٸرٸ. وسىعان بايلانىستى ٶڭٸردە الدىن الۋ جۇمىستارى كٷشەيتٸلٸپ, جاستار اراسىندا تٷسٸندٸرۋ شارالارى جٷرگٸزٸلۋدە.
