Foto: ashyq derekkóz
Aqtóbe oblysynda internet arqyly esirtki saýdasyn uiymdastyrǵan qylmystyq top músheleri 15 jyldan 17 jylǵa deiin bas bostandyǵynan aiyryldy, dep habarlaidy Ult.kz.
Quqyq qorǵaý organdarynyń málimetinshe, qylmystyq jeli «Telegram» messendjeri arqyly jumys istep, esirtkini «kontaktisiz jetkizý» tásilimen taratqan. Tapsyrystar onlain qabyldanyp, tólemder «dropperlerdiń» banktik kartalary arqyly júrgizilgen.
Jedel-tergeý sharalary barysynda Qazaqstannyń birneshe óńirinde áreket etken 6 adamnan turatyn uiymdasqan top ustaldy. Tergeý kezinde 10 keliden astam psihotroptyq zat tárkilenip, zańsyz ainalym toqtatyldy.
Sot úkimimen kúdiktiler kináli dep tanylyp, uzaq merzimge sottaldy.
Sonymen qatar, tergeý barysynda myńdaǵan banktik shottar men sheteldik kartalar buǵattalyp, esirtki jarnamalaǵan júzdegen Telegram-arnaǵa shekteý qoiylǵan.
Mamandardyń aitýynsha, internet arqyly esirtki taratý – qazirgi tańda eń qaýipti qylmystardyń biri. Osyǵan bailanysty óńirde aldyn alý jumystary kúsheitilip, jastar arasynda túsindirý sharalary júrgizilýde.
