فوتو: Ammiac
تارازدا جەكەمەنشٸك مەكتەپتە وقيتىن 11-سىنىپ وقۋشىسى سوت ارقىلى جىلدار بويى ٶزٸمەن ارالاسپاعان ەرٸ ماتەريالدىق كٶمەك كٶرسەتپەگەن ەكەسٸنەن اليمەنت ٶندٸرٸپ الۋعا قول جەتكٸزدٸ. بۇل تۋرالى جوعارعى سوت حابارلادى.
وقۋشى اي سايىن 68 مىڭ تەڭگە كٶلەمٸندە وقۋ اقىسىن تٶلەيدٸ. ال 2008 جىلى ونىڭ ەكەسٸ ەكٸ بالاسىنا, سونىڭ ٸشٸندە وسى قىزىنا قاتىستى اتا-انا قۇقىقتارىنان باس تارتۋ تۋرالى نوتاريالدى تٷردە ارىز جازعان.
2018 جىلى قىزدىڭ اناسى مەن اعاسى قايتىس بولعان. سودان بەرٸ ول ەجەسٸمەن بٸرگە تۇرىپ كەلەدٸ جەنە تولىقتاي سونىڭ قامقورلىعىندا. ەكەسٸ وسى ۋاقىتقا دەيٸن ەشقانداي ماتەريالدىق كٶمەك كٶرسەتپەگەن, تٸپتٸ قارىم-قاتىناستان قاشقاقتاعان. قىزى كٶمەك سۇراعان كەزدە ونىڭ تەلەفون نٶمٸرٸن بۇعاتتاپ وتىرعانى دا بەلگٸلٸ بولعان.
سوتقا جٷگٸنگەن وقۋشى ٶزٸنٸڭ قارجىلىق قيىندىققا تاپ بولعانىن ايتقان. قازٸرگٸ تاڭدا وقۋ مەن كٷندەلٸكتٸ تۇرمىس شىعىندارىنىڭ بارلىعىن ەجەسٸ كٶتەرٸپ وتىر. ال بار قاراجات تەك ەڭ قاجەتتٸ ازىق-تٷلٸككە عانا جەتەدٸ.
سوت وتىرىسىندا ەكەسٸ تالاپتى ٸشٸنارا قاناعاتتاندىرۋدى سۇراپ, باسقا نەكەدەن تۋعان تٶرت بالاسى بار ەكەنٸن جەنە نەسيە تٶلەپ جٷرگەنٸن العا تارتقان. الايدا ونىڭ ەڭبەككە قابٸلەتتٸ ەكەنٸ جەنە بٸرنەشە كەسٸپورىننان تابىس تاباتىنى انىقتالعان.
سونىمەن قاتار, سوت شەشٸمٸ شىعارىلار كٷنٸ جاۋاپكەردٸڭ جەكە كەسٸپكەر رەتٸندە تٸركەۋدەن شىققانى جەنە وعان دەيٸن كٶپ ۇزاماي تاعى تٶرت بالاعا ەكەلٸك قۇقىقتى رەسٸمدەگەنٸ بەلگٸلٸ بولدى. سوت بۇل ەرەكەتتەردٸ اليمەنت مٶلشەرٸن ەدەيٸ ازايتۋعا باعىتتالعان قادام رەتٸندە باعالادى.
نەتيجەسٸندە تاراز قالالىق سوتى ەكەدەن قىزى مەكتەپتٸ اياقتاعانعا دەيٸن اي سايىن 17 اەك (66 844 تەڭگە) مٶلشەرٸندە اليمەنت ٶندٸرٸپ الۋ تۋرالى شەشٸم شىعاردى. ەكەسٸ بۇل شەشٸمگە اپەللياتسييالىق شاعىم تٷسٸرگەنٸمەن, جامبىل وبلىستىق سوتى بٸرٸنشٸ ساتىداعى ٷكٸمدٸ ٶزگەرٸسسٸز قالدىردى.
سوت اكتٸلەرٸ زاڭدى كٷشٸنە ەندٸ.
