قر ٸشكٸ ٸستەر مينيسترلٸگٸ «اۆتوبۋس» جەدەل الدىن الۋ شاراسىن ٶتكٸزٸپ, ون مىڭنان استام جول ەرەجەسٸن بۇزۋ فاكتٸسٸن انىقتادى. بۇل تۋرالى مينيسترلٸكتٸڭ رەسمي ٶكٸلٸ نۇردٸلدە وراز ايتىپ بەردٸ, دەپ حابارلايدى قازاقپارات.
«ٷش كٷندٸك رەيد بارىسىندا اۆتوبۋس جٷرگٸزۋشٸلەرٸنٸڭ 10 مىڭعا جۋىق جول ەرەجەسٸن بۇزۋ فاكتٸسٸ انىقتالدى. ماس كٷيٸندە اۆتوبۋس ايداعان 15 جٷرگٸزۋشٸ تٸركەلدٸ. بارلىق جٷرگٸزۋشٸلەر كٶلٸك جٷرگٸزۋ قۇقىعىنان ايىرىلاتىن بولادى. جولاۋشىلاردى تاسىمالداۋ كەزٸندە 1700-دەن استام اۆتوبۋس جٷرگٸزۋشٸسٸ تەلەفون پايدالانعان. 300-گە جۋىعى جىلدامدىقتى مٶلشەردەن تىس ارتتىرىپ, اينالاسىنا قاۋٸپ تٶندٸرگەن. بۇدان باسقا ەڭبەك جەنە دەمالىس رەجيمٸن بۇزۋدىڭ 43 فاكتٸسٸ, تەحنيكالىق تەكسەرۋدەن ٶتپەگەن, زاڭسىز قايتا جابدىقتالعان بٸر مىڭنان استام اۆتوبۋس, جىلدامدىقتى ارتتىرۋدىڭ 300-گە جۋىق فاكتٸسٸ انىقتالدى», - دەدٸ نۇردٸلدە وراز ەلەۋمەتتٸك جەلٸدە ٶتكەن ونلاين بريفينگٸدە.
شارا نەتيجەسٸندە اۆتوبۋس پاركتەرٸ باسشىلارى قاتارىنان 126 لاۋازىمدى تۇلعا ەكٸمشٸلٸك جاۋاپكەرشٸلٸككە تارتىلدى. ەكٸ اۆتوپاركتٸڭ ليتسەنزييالارى توقتاتىلدى. 292 كٶلٸك قۇرالى ايىپپۇل تۇراعىنا قويىلدى.
سونىمەن بٸرگە, رەسمي ٶكٸل بٸر اپتادا جالپى سانى 3424 قىلمىس تٸركەلگەنٸن اتاپ ٶتتٸ. پوليتسەيلەردٸڭ جەدەل ەرەكەت ەتۋٸ نەتيجەسٸندە 2198 قىلمىس ٸزٸ سۋىماي اشىلدى. ونىڭ ٸشٸندە19 ادام ٶلتٸرۋ, 38 توناۋ جەنە 513 ۇرلىق فاكتٸلەرٸ ەشكەرە بولدى.
بٸر اپتادا جالپى سانى 209 جول-كٶلٸك وقيعاسى ورىن الدى, سالدارىنان ٶكٸنٸشكە قاراي 40 ادام قازا تاۋىپ, 235 ادام جاراقات الدى.
