بٷگٸن قر مەدەنيەت جەنە سپورت مينيسترلٸگٸندە ەلٸمٸزدەگٸ رەسپۋبليكالىق تەاترلاردىڭ باسشىلارى ٶتكەن جىلى اتقارعان جۇمىستارى جايىندا ەسەپ بەردٸ, دەپ حابارلايدى قازاقپارات تٸلشٸسٸ.
م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترى ديرەكتورىنىڭ مٸندەتٸن اتقارۋشى سەبيت ەبدٸقالىقوۆتىڭ ايتۋىنشا, تەاتر ۇجىمى ٶتكەن جىلدىڭ 11-18 شٸلدەسٸ ارالىعىندا فرانتسييانىڭ اۆينون قالاسىندا ٶتكەن "اۆينون-2018" حالىقارالىق فەستيۆالٸنە قاتىسقان.
"م.ەۋەزوۆ تەاترى وسى فەستيۆالگە قازاق ەلٸنٸڭ اتىنان قاتىسىپ, ٶنەر كٶرسەتكەن بٸرٸنشٸ تەاتر سانالادى. فەستيۆالدە بەلگٸلٸ ليتۆالىق رەجيسسەر يوناس ۆايتكۋستىڭ رەجيسسەرلىعىمەن يران-عايىپتىڭ "قورقىت" قويىلىمى ساحنالانىپ, تەاترىمىزدىڭ بەتكە ۇستار تۋىندىسىن, شىعارماداعى تٷركٸلٸك مەدەنيەتتٸڭ دومينانتتارىن, باي فولكلورلىق مۇراسىن جوعارى كٶركەمدٸك دەڭگەيدە فرانتسۋز اۋديتوريياسىنا پاش ەتتٸ. 72-شٸ رەت ٶتكەن اۆينون فەستيۆالٸنە قاتىسۋ تەاتر ٷشٸن جاقسى تەجٸريبە بولدى", - دەدٸ ول.
ال ع.مٷسٸرەپوۆ اتىنداعى قازاق مەملەكەتتٸك اكادەمييالىق بالالار جەنە جاسٶسپٸرٸمدەر تەاترى ديرەكتورىنىڭ مٸندەتٸن اتقارۋشى ازامات ساتىبالدى تەاتر رەپەرتۋارىندا 41 قويىلىم بار ەكەندٸگٸن ايتتى.
"ونىڭ 29-ى ەرەسەكتەرگە ارنالعان قويىلىم بولسا, 12-سٸ بالالارعا ارنالعان ەرتەگٸلەر. جالپى, قازٸرگٸ ٶركەنيەتكە ۇمتىلۋ, جان-جاقتى دامۋ كەزەڭٸندە بايىرعى ۇلتتىق قۇندىلىقتارىمىزدى ساقتاي وتىرىپ, جاڭا زامان جەتٸستٸكتەرٸ مەن اتا-دەستٷرٸمٸزدٸ ساباقتاستىرا "رۋحاني جاڭعىرۋعا" جول سالا بٸلدٸك", - دەدٸ ازامات ساتىبالدى.
شارا بارىسىندا رەسپۋبليكالىق مەملەكەتتٸك اكادەمييالىق كورەي مۋزىكالىق كومەدييا تەاترىنىڭ ديرەكتورى ليۋبوۆ ني, ق.قوجاميياروۆ اتىنداعى مەملەكەتتٸك اكادەمييالىق ۇيعىر مۋزىكالىق كومەدييا تەاترىنىڭ كٶركەمدٸك جەتەكشٸسٸ مۇرات احماديەۆ ٶتكەن جىلى اتقارعان جۇمىستارى جايىندا ەسەپ بەردٸ.
