تەجٸريبەلٸ ماماندار ستۋدەنتتەرگە دەرٸس بەرە الاتىن بولدى. بۇل تۋرالى قر بعم بٸلٸم جەنە عىلىم سالاسىنداعى باقىلاۋ كوميتەتٸنٸڭ تٶرايىمى گٷلزات كٶبەنوۆا ايتتى, دەپ حابارلايدى قازاقپارات.
«قازٸرگٸ ۋاقىتتا مينيسترلٸك 17 جوعارى وقۋ ورنىنا جوسپاردان تىس تەكسەرۋدٸ باستادى جەنە جىل سوڭىنا دەيٸن تەكسەرۋلەردٸ جوسپارلى تٷردە جٷرگٸزەتٸن بولادى. ەرينە, بۇل جەردەگٸ ەڭ باستى مەسەلە, جوو-لاردىڭ بٸلٸم بەرۋ باعدارلامالارىن ساپالى دايىنداۋىنا بايلانىستى. سول بٸلٸم بەرۋ باعدارلاماسىن اياقتاپ شىققاننان كەيٸن «تٷلەك قانشالىقتى جۇمىسقا ورنالاسادى?», «قانشالىقتى سۇرانىسقا يە بولادى?», وسىعان وراي 5 ماۋسىمدا جوو-لارعا قويىلاتىن بٸلٸكتٸلٸك تالاپتارىنا ٶزگەرٸستەر ەنگٸزٸلدٸ. كادرلاردى دايىنداۋعا ليتسەنزييا الۋ ٷشٸن جوو-نىڭ باعدارلامالارى ساراپتامادان ٶتۋٸ كەرەك جەنە بٸلٸم مينيسترلٸگٸنٸڭ وقۋ باعدارلامالارى تٸزٸمٸندە بولۋى تيٸس», - دەدٸ گٷلزات كٶبەنوۆا مينيسترلٸكتٸڭ Facebook-پاراقشاسىندا ٶتكەن ونلاين-بريفينگ بارىسىندا.
سونىمەن قاتار كوميتەت تٶرايىمى جوعارى وقۋ ورىندارىنىڭ پروفەسسور-وقىتۋشى قۇرامىنا قويىلاتىن تالاپتاردىڭ دا ٶزگەرگەندٸگٸن ايتتى.
«ەندٸگٸ ۋاقىتتا جوو وقۋ بارىسىنا تەجٸريبەلٸ مامانداردى تارتا الادى. مىسالى, بۇرىنعى جىلدارى جوو-لاردا عىلىمي دەرەجەلەرٸ بار وقىتۋشىلار 50 پايىزدى قۇراۋى قاجەت بولسا, بيىلدان باستاپ 40 پايىزعا تٶمەندەتٸلدٸ. نەگٸزگٸ شتاتتاعى پروفەسسور-وقىتۋشى قۇرامى بۇرناعى جىلى 80 پايىزدى قۇراسا, ٶتكەن جىلى 60 پايىز بولدى. ەندٸگٸ ۋاقىتتا ۇلتتىق بٸلٸكتٸلٸك شەڭبەرٸ اياسىندا تەجٸريبەسٸ مول مامانداردى تارتۋعا بولادى», - دەدٸ ول.
