تەجٸكستانداعى فايزاباد اۋدانىنىڭ سوتى 25 جاستاعى مانورا ابدۋفاتتوحتىڭ ٶلٸمٸن "سۋيتسيد" دەپ اتاپ, "ٶز-ٶزٸن ٶلتٸرۋگە جەتكٸزۋ" بابى بويىنشا قىلمىستىق ٸس قوزعادى. بۇل تۋرالى ازاتتىقتىڭ تەجٸك قىزمەتٸ وزودي حابارلادى.
جاس ەيەلدٸڭ 26 رەت پىشاق سۇعىلعان مەيٸتٸ 22 ماۋسىم كٷنٸ جالدامالى پەتەردەن تابىلعان.
فايزاباد اۋدانى پروكۋراتۋراسىنداعى دەرەككٶز وزوديگە سۋيتسيد تۋرالى قورىتىندى ساراپتاما نەتيجەسٸ بويىنشا جاسالعان دەدٸ. ونىڭ سٶزٸنشە, ٶلٸم قىلمىستىق كودەكستٸڭ 109-بابى 1-تارماعى بويىنشا ("ٶز-ٶزٸن ٶلتٸرۋ") بويىنشا تەرگەلٸپ جاتىر.
"ٸس وقيعا بويىنشا قوزعالعان. ەگەر كٸمدە-كٸمنٸڭ ونى ٶز-ٶزٸن ٶلتٸرۋگە دەيٸن جەتكٸزگەنٸ دەلەلدەنسە, ول ادام وسى باپ بويىنشا جازاعا تارتىلادى. قازٸر كٷدٸكتٸلەر بار, بٸراق ولاردىڭ ەشقايسىسىنا ايىپ تاعىلعان جوق" دەدٸ دەرەككٶز.
ٶز-ٶزٸن ٶلتٸردٸ دەگەن قورىتىندى مارقۇم تۋىستارىنىڭ نارازىلىعىن تۋدىردى. 17 شٸلدە كٷنٸ تەجٸكستاننىڭ باس پروكۋراتۋراسى مەن ٸشكٸ ٸستەر مينيسترلٸگٸنە جازعان حاتىندا ولار ٸستٸ ەدٸل تەرگەۋدٸ سۇرادى.
مانورانىڭ ەكەسٸ ابدۋفاتتوح ميسوكوۆ قىزىنىڭ ٶز-ٶزٸنە 26 مەرتە پىشاق سۇققانىنا سەنبەيدٸ. ول ٶلٸمنٸڭ دۇرىس تەرگەلمەي وتىرعانىن, ساراپتامانى قايتا ٶتكٸزۋدٸ تالاپ ەتكەنٸن ايتادى. ونىڭ سٶزٸنشە, پىشاق ٸزدەرٸ نەگٸزٸنەن مويىن تۇسىنان جەنە قولىنان بايقالعان.
"ادام ٶز-ٶزٸنە بٸر-ەكٸ مەرتە پىشاق سۇققاندا, ٷركٸپ قالىپ, توقتاي سالادى. مانورانىڭ قولى مەن موينى تٸلٸنگەن, ادام ٶز-ٶزٸن ولاي تٸلە المايدى. مەن تەرگەۋدٸڭ دۇرىس ٶتۋٸن تالاپ ەتٸپ كٶپتەگەن مەكەمەگە ارىزداندىم" دەيدٸ ول.
ٸستٸ فايزاباد اۋدانىنىڭ پروكۋراتۋراسى مەن پوليتسيياسى تەرگەپ جاتىر. ولار ەزٸرگە وقيعا تۋرالى رەسمي مەلٸمدەمە جاسامادى, 26 رەت پىشاق سۇعىلعان ٶلٸمنٸڭ قالاي سۋيتسيد دەپ تانىلعانىن تٷسٸندٸرمەدٸ.
اناسى شاربونۋ مانورا سۋيتسيد تۋرالى ەشقاشان ايتپادى دەيدٸ. ونىڭ سٶزٸنشە, قىزى نەكەدە باقىتسىز بولعان, ال كٷيەۋٸ "تالاق" ايتامىن دەپ قورقىتا بەرگەن.
وزودي تٸلشٸلەرٸ مانورانىڭ كٷيەۋٸنٸڭ تۋىستارىنا حابارلاسىپ كٶردٸ, جاۋاپ بولمادى.
مانورا كٷيەۋٸنٸڭ ٷيٸنەن كەتٸپ, فايزاباد اۋدانى ورتالىعىنداعى شاعىن پەتەرگە ورنالاسقان. وقيعا سودان بٸرنەشە كٷن ٶتكەن سوڭ بولعان. قايعىلى جاعداي بولعان سەتتە ٷش بالا پەتەردٸڭ اس بٶلمەسٸندە وتىرعان. كٶرشٸلەر, ەشقانداي شۋ ەستٸمەگەن, بٸراق سول كٷنٸ پەتەرگە كٷيەۋٸنٸڭ تۋىستارى كٸرٸپ جاتقانىن كٶرگەن, ولاردىڭ اتى-جٶنٸن پوليتسيياعا بەرگەن.
مانورا فايزاباد تۇرعىنىمەن 2015 جىلى تۇرمىس قۇرعان. ارتىندا ٷش بالاسى قالدى. ٷلكەنٸ بەستە, كٸشكەنتايى التى ايلىق.
ساراپشىلاردىڭ سٶزٸنشە, تەجٸكستاندا ەيەلدەردٸڭ ٶلٸمٸ مەن سۋيتسيدٸ كٶبٸنە تۇرمىستىق زومبىلىق سالدارىنان بولادى.
