2026 جىلدىڭ 2 شٸلدەسٸندە اقش-تىڭ نيۋ-يورك قالاسىنىڭ برۋكلين اۋدانىنداعى تۇرعىن ٷيدە تازالىق قىزمەتكەرلەرٸ ادام شوشىرلىق كٶرٸنٸسكە تاپ بولدى. ولار ەسكٸ ديۆاندى تازالاۋ كەزٸندە ونىڭ ٸشٸنەن قاتتى شٸرٸپ, قاڭقاعا اينالا باستاعان ەر ادامنىڭ مەيٸتٸن تاپقان, دەپ حابارلايدى ult.kz.
وقيعا تاڭعى ساعات 08:50 شاماسىندا پسيحيكالىق اۋرۋى بار جەنە مٷمكٸندٸگٸ شەكتەۋلٸ ادامدار تۇراتىن عيماراتتا بولعان. تازالىق قىزمەتكەرلەرٸ كەلگەن كەزدە تۇرعىنداردىڭ بٸرٸ ولاردى ۇرى دەپ ويلاپ, پوليتسييا شاقىرعان. پوليتسييا جاعدايدى انىقتاپ, ەشقانداي زاڭبۇزۋشىلىق جوق دەپ كەتكەننەن كەيٸن شامامەن جارتى ساعات ٶتكەندە جۇمىسشىلار ديۆاننىڭ ٸشٸنەن ادامنىڭ مەيٸتٸن تاۋىپ, قۇقىق قورعاۋ ورگاندارىن قايتا شاقىرعان.
الدىن الا مەلٸمەت بويىنشا, مەيٸتتٸڭ ەبدەن شٸرٸپ كەتكەنٸ سونشا, ەر ادامنىڭ ناقتى قانشا ۋاقىت بۇرىن كٶز جۇمعانىن بٸردەن انىقتاۋ مٷمكٸن بولماعان. ونىڭ جەكە باسى دا بٸردەن جارييالانعان جوق. ٶلٸمنٸڭ سەبەبٸن New York City Office of Chief Medical Examiner انىقتاپ جاتىر.
تەرگەۋشٸلەر ەزٸرگە ەر ادامنىڭ قىلمىس قۇربانى بولعان-بولماعانىن ناقتىلاعان جوق. قازٸر وقيعانىڭ بارلىق مەن-جايى تەكسەرٸلٸپ, مەيٸتتٸڭ ديۆاننىڭ ٸشٸنە قالاي تٷسكەنٸ جەنە ونىڭ قانشا ۋاقىت بويى سول جەردە جاتقانىن انىقتاۋ جۇمىستارى جٷرگٸزٸلٸپ جاتىر.
