فوتو: ۆيدەودان سكرينشوت
قر سىرتقى ٸستەر مينيسترلٸگٸ قۇزىرەتتٸ ورگاندارمەن بٸرلەسٸپ, شيەلەنٸس ايماعىنان ازاماتتاردى شىعارۋ بويىنشا العاشقى ەۆاكۋاتسييالىق رەيستەردٸ ۇيىمداستىردى, دەپ حابارلايدى Ult.kz.
الماتى-ماسقات-الماتى باعىتى بويىنشا ەكٸ رەيس جوسپارلانعان.
سەيسەنبٸ كٷنٸ تاڭەرتەڭگٸ ۋاقىتتا 278 قازاقستاندىقتان قۇرالعان العاشقى توپ دۋبايداعى قر باس كونسۋلدىعىنىڭ قىزمەتكەرلەرٸمەن بٸرگە ماسقاتقا قاراي جەرٷستٸ كٶلٸگٸمەن جولعا شىقتى. باە جەنە ومان شەكاراسىندا ازاماتتارعا شەكارالىق رەسٸمدەردەن جەدەل ٶتۋدٸ قامتاماسىز ەتۋ ٷشٸن كونسۋلدىق قولداۋ كٶرسەتٸلدٸ.
كەيٸن وسى باعىت بويىنشا 189 قازاقستاندىقتان تۇراتىن ەكٸنشٸ توپتىڭ ۇشۋى جوسپارلانعان. وسىلايشا, جالپى سانى 467 قازاقستان ازاماتى ەلگە ورالادى.
ەۋە رەيستەرٸنەن بٶلەك ەۆاكۋاتسييا جەرٷستٸ باعىتتارى ارقىلى دا جٷزەگە اسىرىلۋدا. اتاپ ايتقاندا, قازاقستاننىڭ تەگەران, اشحاباد جەنە گورگانداعى مەكەمەلەرٸ يران-تٷرٸكمەنستان شەكاراسىنداعى «ينچەبۋرۋن» ٶتكٸزۋ پۋنكتٸ ارقىلى 15 قر ازاماتىنىڭ قاۋٸپسٸز ٶتۋٸن قامتاماسىز ەتتٸ. ولارعا ەرٸ قاراي اقتاۋ قالاسىنا جەتۋٸنە قاجەتتٸ قولداۋ كٶرسەتٸلدٸ.
سونداي-اق, تەگەران جەنە ەرەۆانداعى ديپلوماتتار يران اۋماعىنان «زاركۋح» كومپانيياسىنىڭ 35 قىزمەتكەرٸنٸڭ يران-ارمەنييا شەكاراسى ارقىلى اۆتوبۋسپەن شىعۋىنا جەردەم كٶرسەتتٸ.
ٶڭٸردەگٸ قازاقستاننىڭ ديپلوماتييالىق ٶكٸلدٸكتەرٸ ەۆاكۋاتسييا تولىق اياقتالعانعا دەيٸن سول جەردەگٸ جۇمىستى ٷيلەستٸرۋدٸ جالعاستىرىپ, ازاماتتارمەن تۇراقتى بايلانىستا بولۋدا.
