قازاقستان تەۋەلسٸزدٸگٸنٸڭ 30 جىلدىعىنا وراي قالانىڭ ورتالىق جولدارىنىڭ بويىندا ورنالاسقان 10 تۇرعىن ٷيدٸڭ قابىرعاسىنا مۋرال سالىنادى, دەپ حابارلايدى "ۇلت اقپارات".
بۇل تۋرالى قوعامدىق كوممۋنيكاتسييا ورتالىعىندا ٶتكەن بريفينگتە اقتاۋ قالاسىنىڭ ەكٸمٸ نۇردەۋلەت قيلىباي مەلٸم ەتتٸ.
شاھار باسشىسىنىڭ ايتۋىنشا, جوبا قۇرىلىسى مەكەمەلەرٸنٸڭ دەمەۋشٸلٸگٸمەن ٸسكە اسادى. العاشقى جۇمىستار 10 مامىر كٷنٸ باستالادى.
بۇدان بٶلەك, ەل تەۋەلسٸزدٸگٸنٸڭ مەرەيلٸ مەرەكەسٸن تويلاۋ ماقساتىندا بٸرنەشە جوبا ٸسكە اسپاق.
«جاڭا 40 شاعىن اۋداننان ساياباقتىڭ ٸرگە تاسى قالانىپ, قۇرىلىس جۇمىستارى باستالىپ كەتتٸ. دەمەۋشٸلەر قاراجاتى ەسەبٸنەن اقتاۋ قالاسىنىڭ «شىعىس-3» شاعىن اۋدانى, № 8 جەنە № 9 ٶنەركەسٸپتٸك ايماقتىڭ قيىلىسىنا «شوتان باتىر» ەسكەرتكٸشٸن ورناتۋ جەنە «اقتاۋ-ەۋەجاي» تاس جولىنىڭ بويىنا كٸرە-بەرٸس كەشەنٸنٸڭ قۇرىلىسىن سالۋ جوبالارى ەزٸرلەندٸ. ال, 20-سى شاعىناۋداعى اينالمالى جولعا دەمەۋشٸلٸك ەسەبٸنەن تەۋەلسٸزدٸكتٸڭ 30 جىلدىعىنا وراي اقتاۋ قالاسىنا سىي رەتٸندە «سالتاناتتى اركانىڭ» قۇرىلىسى باستالدى», - دەدٸ نۇردەۋلەت قيلىباي.
قالا ەكٸمٸنٸڭ ايتۋىنشا, اقتاۋدا 17 جەنە 39 شاعىن اۋدانداردا جاڭا مەشٸتتەردٸڭ قۇرىلىسى بوي كٶتەردٸ.
قازٸر 17 شاعىناۋدان بەكەت اتا مەشٸتٸ عيماراتىنىڭ سٷرۋ جۇمىستارى جٷرگٸزٸلٸپ جاتىر.
ورنىنا 1200 شارشى مەتر بولاتىن جاڭا مەشٸت تۇرعىزىلماق. جاڭا مەشٸت 2021 جىلدىڭ II توقسانىندا پايدالانۋعا بەرٸلەدٸ دەپ كٷتٸلٸپ وتىر.
ال 39 شاعىناۋدانداعى 500 ادامعا ارنالعان «ەرجان حازٸرەت» مەشٸتٸنٸڭ قۇرىلىسى 2021 جىلدىڭ سوڭىنا دەيٸن اياقتالۋى تيٸس.
«ەل تەۋەلسٸزدٸگٸنٸڭ 30 جىلدىعىنا وراي 17 شاعىناۋداندا 3 قاباتتى «وقۋشىلار سارايى» سالىنادى. 6540 شارشى مەتردٸ قۇرايتىن عيماراتقا 1000-نان استام بالا قابىلداناتىن بولادى», - دەدٸ نۇردەۋلەت قيلىباي.
