فوتو: ەسەت ماتاەۆتىڭ Facebook پاراقشاسىنان
بٷگٸن تەۋەلسٸز جۋرناليست, KazTAG حالىقارالىق اقپاراتتىق اگەنتتٸگٸنٸڭ جەتەكشٸسٸ ەسەت ماتاەۆ الماتىداعى №5 بٸر مانداتتى وكرۋگ بويىنشا قر پارلامەنت مەجٸلٸسٸ دەپۋتاتتارىنىڭ كەزەكتەن تىس سايلاۋىنا ٶز كانديداتۋراسىن ۇسىناتىنىن مەلٸمدەدٸ. بۇل تۋرالى ول Facebook-تەگٸ پاراقشاسىندا جازدى.⠀
جازبادا التى اي بۇرىن جوعارعى سوت قازتاگ جەنە قازاقستان جۋرناليستەر وداعىنىڭ جەتەكشٸلەرٸ ەسەت پەن سەيتقازى ماتاەۆتاردان زاڭسىز سوتتاعانى ٷشٸن مەملەكەت اتىنان كەشٸرٸم سۇراعانى جەنە مۇنداي جايت تەۋەلسٸز قازاقستان تاريحىندا العاش رەت ورىن العانى ايتىلعان.
"بٸر كەزدەرٸ ساياسي سەبەپتەرمەن باستالعان قىلمىستىق ٸس باس پروكۋراتۋرا قىزمەتكەرلەرٸنٸڭ مۇقييات تەكسەرٸسٸنەن كەيٸن جويىلدى جەنە قازٸر جوعارعى سوتتىڭ بيۋللەتەنٸندە زاڭسىز سوتتاۋدىڭ مىسالى رەتٸندە جارييالانىپ جاتىر. مەنٸڭ تٷسٸنٸگٸمدە ەدٸلەتتٸ قازاقستان دەگەنٸمٸز وسى - بارلىق ادام قۇقىعى زاڭمەن قورعالىپ, قىلمىس اياۋسىز جازالاناتىن ەل", - دەپ جازدى ەسەت ماتاەۆ.
سونىمەن قاتار ول ٶزٸنٸڭ اتىنا مەملەكەتتٸك ورگانداردىڭ زاڭسىز ٸس-ەرەكەتتەرٸنە قاتىستى حالىقتان كٶپ شاعىم تٷسەتٸنٸن جەنە سول ٶتٸنٸش-شاعىمداردىڭ بارلىعىن جان-جاقتى تەكسەرۋ قاجەت ەكەنٸن اتاپ ٶتتٸ.
"مەنٸ سوڭعى كەزدەرٸ ٶزٸمنٸڭ قالامداس ەرٸپتەستەرٸمە, ياعني تٸلشٸلەرگە قاتىستى سٶز بوستاندىعىن شەكتەپ, ەدٸلدٸكتٸ بەلدەن باسۋ وقيعالارىنىڭ كٶبەيٸپ كەتكەنٸ قاتتى الاڭداتادى. ٶيتكەنٸ, مۇنداي تاۋقىمەتتٸ بٸزدٸڭ وتباسىمىز دا تالاي مەرتە باسىنان كەشٸرگەن. سٶز بوستاندىعى جولىندا باسىمىزدى بەيگەگە تٸگٸپ, بٸراز ٶمٸرٸمٸزدٸ تەرك ەتتٸك. دەنساۋلىعىمىزعا دا قانداي نۇقسان كەلگەنٸ ايتپاسا دا تٷسٸنٸكتٸ. سوڭعى جىلدارى بٸز مەنٸڭ ەرٸپتەستەرٸمە, جۋرناليستەرگە جەنە قوعام بەلسەندٸلەرٸنە جاسالعان قاتٸگەز سوققىلارعا كۋە بولدىق", - دەلٸنگەن جازبادا.
ەسەت ماتاەۆتىڭ سٶزٸنشە, ادامدار وعان ٶڭٸرلەر مەن ورتالىق مەملەكەتتٸك ورگاندارداعى كادرلىق شەشٸمدەرگە قاتىستى سۇراقتاردى, كوممۋنالدىق سالاداعى پروبلەمالار مەن سىبايلاس جەمقورلىققا قاتىستى سۇراقتاردى جيٸ قويادى ەكەن. "ٷكٸمەت پەن پارلامەنتكە جاڭا كٶزقاراستاعى بەلسەندٸ ادامدار قاجەت. مەملەكەتتٸك اپپارات بيۋروكراتييا مەن قاعازباستىلىققا كٶمٸلٸپ قالعان. شۇعىل شەشٸمدەر قابىلداۋ بىلاي تۇرسىن, موينىنا جاۋاپكەرشٸلٸك الۋدان قاشاتىن بولدى".⠀
"بٸزدە ەكولوگييا, جۇمىسسىزدىق جەنە قاۋٸپسٸزدٸككە قاتىستى پروبلەمالار تولىپ تۇر. كٶپتەگەن جٷيەلٸك پروبلەمالار پايدا بولدى. ەرەكەت ەتەتٸن كەز كەلدٸ. كەز كەلگەن مەسەلەنٸڭ سوڭعى شەشٸمٸن تابۋدى پرەزيدەنتتٸڭ موينىنا ٸلٸپ قويۋ دۇرىس ەمەس دەپ سانايمىن. شەنەۋنٸكتەر قوعامنىڭ ٶزٸمەن قويان-قولتىق ارالاسا جٷرٸپ, حالىقتىڭ تالابىن بٸرلەسٸپ شەشۋ جولىندا العا باسۋى قاجەت... بارلىعى ٶزگەرٸس پەن دامۋدى قالايدى. بٸرەۋ ونى شەتەلدەن ٸزدەيدٸ, بٸراق مەن ٶز ٶمٸرٸمدٸ وتانىممەن بايلانىستىرامىن. بٸزدٸڭ بۋىن كٶپتەگەن مەسەلەلەردٸ شەشە الادى جەنە قازاقستاندى دامۋ مەن زاڭدىلىق جولىنا باعىتتاي الادى!"- دەپ قورىتىندىلادى ەسەت ماتاەۆ.
اتاپ ٶتٸلگەندەي, ونى جاستار ٶكٸلدەرٸ, قوعام قايراتكەرلەرٸ, ٶنەر ادامدارى, ەرتٷرلٸ ٶڭٸرلەردە باق سالاسىندا جۇمىس ٸستەيتٸن ەرٸپتەستەرٸ قولداپ وتىر.
