تٷركٸستان وبلىسىنداعى «سايرام-ٶگەم» شاتقالىندا ٸز-تٷزسٸز جوعالىپ, مەيٸتتەرٸ تابىلعان تٶرت تۋريستٸڭ ٶلٸمٸنە قاتىستى العاشقى بولجامدار ايتىلدى.
ولاردى 28 كٷن بويى ٸزدەستٸرگەن ٶڭٸردٸڭ قۇتقارۋشىلارى مەيٸتتەردٸڭ بارلىعى ٶگەم ٶزەنٸنەن شىققانىن جەتكٸزدٸ, دەپ حابارلايدى "ۇلت اقپارات".
وبلىستىق تجد باستىعىنىڭ ورىنباسارى ەرٸك سارىباەۆتىڭ ايتۋىنشا, جاياۋ جٷرٸسپەن 2543 شاقىرىم قارالسا, ەۋەدە تٸكۇشاقپەن 16090 شاقىرىم اۋماقتا ٸزدەستٸرۋ شارالارى جٷرگٸزٸلگەن. سٷڭگۋٸرلەر ٶگەم ٶزەنٸنٸڭ بويىمەن 22 شاقىرىم جەردٸ قاراپ شىققان. نەتيجەسٸندە بٸرٸنشٸ جٸگٸتتٸڭ مەيٸتٸ تابىلعان جەر مەن ەكٸنشٸ تۋريستٸڭ مەيٸتٸنٸڭ اراسى 6 شاقىرىمدى قۇراعان. ال, ٷشٸنشٸ مەن تٶرتٸنشٸ مەيٸتتٸڭ اراسى 7 شاقىرىم جەردەن اسقان. قۇتقارۋشىلار العاشقى بولجام رەتٸندە تٶرتەۋٸ قول ۇستاسىپ, ٶگەم ٶزەنٸنەن بٸرگە ٶتپەك بولعان كەزدە سۋعا اعىپ كەتۋٸ مٷمكٸن دەيدٸ. الايدا سۋدىڭ ەكپٸنٸ تىم قاتتى بولعاندىقتان ولاردى اعىسى الىپ كەتۋٸ مٷمكٸن ەكەنٸن جوققا شىعارمايدى. ال, ەكٸنشٸ بولجام رەتٸندە ولاردىڭ ٶزەننٸڭ تاستار كٶپ جاتاتىن جەرٸ تاسكٶپٸردەن ٶتپەك بولعان دەپ ايتىلۋدا. الايدا سۋدا جاتقان تاستاردىڭ بەتٸ تايعاق بولعاندىقتان بٸرٸ اعىپ كەتٸپ, قالعاندارى قۇتقارامىز دەپ وقتالعان بولۋى مٷمكٸن. ال, ٷشٸنشٸ بولجام رەتٸندە ايۋلاردان قورىققان.
«ٸزدەستٸرۋ بارىسىندا وسى تٶڭٸرەكتە ايۋلاردى ٶتە كٶپ كەزدەستٸردٸك. بٸر جيىرمادان اسا ايۋدى كٶردٸك. ال ايۋدىڭ ٶزٸنە تەن قاسيەتٸ - بالالارى ٷشٸن ٶتە اگرەسسيۆتٸ بولاتىن كەز بۇل. مٷمكٸن, بۇل جٸگٸتتەر ٶزەندٸ بويلاپ جٷرگەن كەزدە الدارىنان ايۋ شىعىپ قالدى ما. سودان قورىققانىنان سۋعا سەكٸرٸپ كەتتٸ مە دەگەن جاعدايلاردى قاراستىردىق», - دەيدٸ ەرٸك سارىباەۆ.
ال, ٸزدەستٸرۋ-قۇتقارۋ جۇمىستارىنا تجم الماتى قالاسىنداعى رجقج-عى, شىمكەنت قالاسى تجد, «قازاۆياقۇتقارۋ» اق, تٷركٸستان وبلىسىنىڭ پد, «سايرام-ٶگەم» مەملەكەتتٸك ۇلتتىق تابيعي پاركٸنٸڭ, ەرٸكتٸلەر, ٶزبەكستان رەسپۋبليكاسى تجم, قر ۇقك تٶلەبي شەكارا قىزمەتٸ, قر ۇۇ 6506 ەسكەري بٶلٸمٸنٸڭ قىزمەتكەرلەرٸ جۇمىلدىرىلعان.
