مەملەكەت باسشىسى قاسىم-جومارت توقاەۆ قازان كرەملٸن ارالاپ كٶرگەننەن كەيٸن تاتارستان رەسپۋبليكاسىنىڭ پرەزيدەنتٸ رۋستام ميننيحانوۆپەن كەزدەسۋ ٶتكٸزدٸ. كەزدەسۋدٸڭ الدىندا قازاقستان پرەزيدەنتٸ «قۇرمەتتٸ قوناقتار كٸتابىنا» قولتاڭبا قالدىردى, دەپ حابارلايدى اقوردا.
قاسىم-جومارت توقاەۆ پەن رۋستام ميننيحانوۆ ساۋدا-ەكونوميكالىق, ينۆەستيتسييالىق جەنە مەدەني-گۋمانيتارلىق سالالار بويىنشا قازاقستان مەن تاتارستان اراسىنداعى ىنتىماقتاستىقتى كەڭەيتۋ جولدارىن تالقىلادى.
قازاقستان پرەزيدەنتٸ مىڭجىلدىق تاريحىمەن, باي مەدەني مۇرالارىمەن تانىلعان تاتارستانعا ساپارمەن كەلۋگە شاقىرعانى ٷشٸن رۋستام ميننيحانوۆقا العىس ايتتى.
– مۇندا قازاقستان پرەزيدەنتٸ رەتٸندە كەلگەنٸمە ٶتە قۋانىشتىمىن. سٸزبەن ەلٸمٸزدە بٸرنەشە رەت كەزدەستٸم. بٸز كٶپتەگەن مەسەلە تۋرالى, سونىڭ ٸشٸندە قازاقستان مەن تاتارستان اراسىنداعى ىنتىماقتاستىقتى دامىتۋ جەنە نىعايتۋ جٶنٸندە سٶيلەستٸك. ەكٸجاقتى ىنتىماقتاستىققا نەگٸزدەلگەن ماڭىزدى جوبالارىمىز بار. ەگەر قازاقستان مەن تاتارستان باسشىلارى ساياسي ەرٸك-جٸگەر تانىتاتىن بولسا, بۇل جوبالاردىڭ جٷزەگە اسىرىلاتىنى سٶزسٸز, – دەدٸ مەملەكەت باسشىسى.
قاسىم-جومارت توقاەۆ رۋستام ميننيحانوۆقا كەشە مەسكەۋدە رەسەي پرەزيدەنتٸ ۆلاديمير پۋتينمەن جٷرگٸزگەن تابىستى كەلٸسسٶزٸ تۋرالى مەلٸمەت بەردٸ.
– كەلٸسسٶزدٸڭ مازمۇنىنا, كەزدەسۋ نەتيجەلەرٸنە كٶڭٸلٸم تولدى. بٸز, ەرينە, رەسەي فەدەراتسيياسىنىڭ سۋبەكتٸسٸ رەتٸندە تاتارستانمەن اراداعى ىنتىماقتاستىقتى قازاقستاننىڭ دامىتا بەرەتٸنٸ جٶنٸندە دە ەڭگٸمەلەستٸك. ۆلاديمير پۋتين باسپاسٶز مەسليحاتىندا سٶيلەگەن سٶزٸندە رەسەي فەدەراتسيياسىنىڭ قارقىندى دامىپ كەلە جاتقان سۋبەكتٸلەرٸنٸڭ بٸرٸ تاتارستانعا ەرەكشە توقتالدى جەنە وسى رەسپۋبليكاعا جۇمىس ساپارىمەن بارۋ جٶنٸندەگٸ شەشٸمٸمدٸ قولدادى, – دەدٸ قاسىم-جومارت توقاەۆ.
مەملەكەت باسشىسى قازاقستان مەن تاتارستان اراسىنداعى مەدەني-گۋمانيتارلىق بايلانىستاردى دامىتۋدىڭ ماڭىزدى ەكەنٸن اتاپ ٶتتٸ.
– شىن مەنٸندە, ەلدەرٸمٸز اراسىنداعى بايلانىستاردىڭ تاريحى تەرەڭ. تاريحىمىز – ورتاق. بۇل تاقىرىپتا جازىلعان ماقالالار مەن كٸتاپتاردى قىزىعا وقيمىن. وقىعان سايىن تاريحي بايلانىستارىمىزدىڭ سونشالىقتى تەرەڭ ەرٸ ساباقتاسىپ جاتقانىنا كٶز جەتكٸزەمٸن, تٸپتٸ تاڭ قالامىن. مەدەني-گۋمانيتارلىق ىنتىماقتاستىقتى مٸندەتتٸ تٷردە دامىتۋ كەرەك دەگەن پٸكٸرٸڭٸزدٸ قولدايمىن. قازاقستان بۇعان دايىن, – دەدٸ قازاقستان پرەزيدەنتٸ.
قاسىم-جومارت توقاەۆ رۋستام ميننيحانوۆتىڭ مىقتى ەرٸ بەدەلدٸ باسشىلىعىمەن تاتارستاننىڭ قارقىندى دامىپ كەلە جاتقانىن جوعارى باعالاپ, رەسپۋبليكا حالقىنىڭ يگٸلٸگٸ جولىنداعى قىزمەتٸنە تابىس تٸلەدٸ.
تاتارستان پرەزيدەنتٸ قازان قالاسىنا ساپارمەن كەلگەنٸ ٷشٸن مەملەكەتٸمٸزدٸڭ باسشىسىنا العىس بٸلدٸرٸپ, قازاقستانمەن ىنتىماقتاستىقتى دامىتۋدىڭ ستراتەگييالىق ماڭىزىن اتاپ ٶتتٸ.
– بٸز ٷشٸن بۇل – ٷلكەن ابىروي. قازاقستان مەن رەسەي اراسىنداعى دوستىق بايلانىستار اياسىندا سٸزدٸڭ ەلٸڭٸزبەن ىقپالداستىقتى نىعايتۋ مٷمكٸندٸگٸن جوعارى باعالايمىز. قازاقستان – تاتارستان رەسپۋبليكاسى ٷشٸن ستراتەگييالىق سەرٸكتەس. قازاقستاننىڭ ايماقتارىمەن كٶپتەگەن كەلٸسٸم جاسالعان. سٸزدٸڭ ەلٸڭٸزدە تابىستى جۇمىس ٸستەپ جاتقان كومپانييالارىمىزدى كٶپتەپ مىسالعا كەلتٸرۋگە بولادى, – دەدٸ رۋستام ميننيحانوۆ.
كەزدەسۋ سوڭىندا رۋستام ميننيحانوۆ قازاقستان مەن تاتارستان اراسىنداعى ىنتىماقتاستىقتى دامىتۋعا, ەكٸ ەل اراسىنداعى دوستىق پەن ٶزارا تٷسٸنٸستٸكتٸ نىعايتۋعا قوسقان ەلەۋلٸ ٷلەسٸ ٷشٸن قاسىم-جومارت توقاەۆتى «دۋسلىك» وردەنٸمەن ماراپاتتادى.
