بٷگٸن, 31 تامىزدا استانادا قر قورعانىس مينيسترٸ يمانعالي تاسماعامبەتوۆ جەڭٸل اتلەتشٸ, ريو-دە-جانەيرودا ٶتكەن وليمپيادا ويىندارىنىڭ قولا جٷلدەگەرٸ قر قم اوسك-نىڭ كاپيتانى ولگا رىپاكوۆاعا قۇرمەت كٶرسەتتٸ, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"بارشا ەسكەري قىزمەتشٸلەردٸڭ جەنە جەكە ٶزٸمنٸڭ اتىمنان بارلىق ارميياشى سپورتشىلاردىڭ كٷش-جٸگەرٸن اتاپ ٶتكٸم كەلەدٸ. جەنە ەرينە, جەڭٸل اتلەتيكادا بيٸك شىڭدى باعىندىرىپ, ٷشٸنشٸ ورىنعا قول جەتكٸزگەن بٸزدٸڭ ولگا رىپاكوۆانى قۇتتىقتاعىم كەلٸپ وتىر. سٶزسٸز, بارلىق ماراپاتتارىڭىزدىڭ ٸشٸندە "قولا" جٷلدەڭٸزدٸڭ الار ورنى ايرىقشا. ەلباسىمىز - قر قارۋلى كٷشتەرٸمٸزدٸڭ جوعارعى باس قولباسشىسى اتاپ ٶتكەندەي, ول "التىن" جٷلدەگە ەبدەن لايىق, سەبەبٸ, لوندون مەن ريو وليمپيادالارى اراسىندا ولگا رىپاكوۆا سىمباتى مەن سپورتتىق قاسيەتٸن ساقتاي وتىرىپ, ەكٸ رەت انا اتانىپ ٷلگەردٸ". دەل سٸز سەكٸلدٸ ادامعا قاراپ بارشا قازاقستاننىڭ جاستارى بوي تٷزەيدٸ جەنە سٸز ارقىلى ناعىز ارمييالىق سپورتتى بٸلە باستايدى", - دەدٸ قورعانىس ۆەدومستۆوسىنىڭ باسشىسى يمانعالي تاسماعامبەتوۆ.
قر قك جوعارعى باس قولباسشىسىنىڭ اتىنان يمانعالي تاسماعامبەتوۆ سپورتشىعا "پاراسات" وردەنٸن تابىس ەتتٸ. ودان باسقا, ريودا سەتتٸ ٶنەر كٶرسەتكەنٸ ٷشٸن ولگا رىپاكوۆاعا مەرزٸمٸنەن بۇرىن كەزەكتٸ "مايور" ەسكەري اتاعى بەرٸلٸپ, باعالى سىيلىقتار تابىستالدى.
"مەن بارشا قازاقستاندىقتارعا, نۇرسۇلتان ەبٸشۇلىنا, سٸزگە, اوسك-نىڭ بارلىق باسشىلىعىنا العىسىمدى بٸلدٸرگٸم كەلەدٸ. بارشالارىڭىز ماعان جانكٷيەر بولىپ, قولداۋ كٶرسەتتٸڭٸزدەر, كٶپتەگەن ٸزگٸ تٸلەكتەر ايتىلدى. قازاقستان رەسپۋبليكاسىنا جەنە سپورتقا قىزمەت ەتەمٸن! مەن ەرٸ قاراي دا بارلىق ەلەمدٸك ارەنالاردا ٶنەر كٶرسەتٸپ, قازاقستاندىق سپورت پەن قازاقستاندىق ارمييانىڭ ابىرويىن اسقاقتاتقىم كەلەدٸ", - دەپ ولگا رىپاكوۆا ريياسىز ريزاشىلىعىن بٸلدٸردٸ.
© قر قورعانىس مينيسترلٸگٸنٸڭ باسپاسٶز قىزمەتٸ
قر قورعانىس مينيسترلٸگٸ ارمييا ورتالىق سپورت كلۋبىنىڭ ەسكەري قىزمەتشٸسٸ ولگا رىپاكوۆا ريودا ٶتكەن وليمپيادادا ٷش مەرتە سەكٸرۋدە 14,74 مەتر نەتيجە كٶرسەتتٸ. بۇل ونىڭ ماۋسىمداعى ٷزدٸك جەكە نەتيجەسٸ بولدى. ولگا رىپاكوۆا قاشىقتىققا سەكٸرۋدە 2010 جىلعى ەلەم چەمپيونى, ٷش مەرتە سەكٸرۋ مەن جەتٸسايىستا ازييا ويىندارىنىڭ ەكٸ دٷركٸن چەمپيونى, بانگكوكتا (تايلاند) ٶتكەن ٷش مەرتە سەكٸرۋدە 2007 جىلعى ۋنيۆەرسيادا چەمپيونى, ەڭبەك سٸڭٸرگەن سپورت شەبەرٸ بولىپ تابىلادى. ريو-دە-جانەيرودا ٶتكەن وليمپياداداعى قولا مەدال ول ٷشٸن مانساپ جولىنداعى ەكٸنشٸ وليمپيادالىق مەدال بولعانىن ايتا كەتەيٸك. لوندوندا ٶتكەن وليمپيادادا ول التىن مەدال يەگەرٸ اتانعان بولاتىن.
ودان باسقا, شۆەيتسارييالىق لوزاننا قالاسىندا ٶتكەن جەڭٸل اتلەتيكادان "گاۋھار وداعى" حالىقارالىق تۋرنيرٸنٸڭ كٷمٸس جٷلدەگەرٸ اتاندى. ولگا رىپاكوۆا قر قم ارمييا ورتالىق سپورت كلۋبىندا 2006 جىلدان باستاپ قىزمەت ەتەدٸ. بۇل ۋاقىت ارالىعىندا ول بارىس وردەنٸمەن, "قازاقستان رەسپۋبليكاسىنىڭ قارۋلى كٷشتەرٸنە 20 جىل" مەدالٸمەن, قازاقستان رەسپۋبليكاسىنىڭ "ەڭبەك سٸڭٸرگەن سپورت شەبەرٸ" اتاعىمەن, سونداي-اق, "دەنە شىنىقتىرۋ, سپورت پەن تۋريزمدٸ دامىتۋداعى ەڭبەگٸ" قۇرمەت بەلگٸسٸمەن ماراپاتتالدى.
قورعانىس مينيسترٸ دەنە دايارلىعى جەكە قۇرامنىڭ جاۋىنگەرلٸك قابٸلەتتٸلٸگٸنٸڭ نەگٸزٸ بولىپ تابىلاتىنىن اتاپ ٶتتٸ. سول ٷشٸن قازٸرگٸ كەزدە اوسك-دا جاۋىنگەردٸڭ تٶزٸمدٸلٸگٸن ارتتىراتىن بارلىق تٷرلەر بويىنشا جاتتىقتىرۋ شەبەرلٸگٸ باعدارلاماسىن ەنگٸزۋ تەتٸگٸ بەلسەندٸ تٷردە ەزٸرلەنۋدە. بۇل جەڭٸلاتلەتتەرٸمٸز ٷشٸن عانا ەمەس, سونىمەن بٸرگە, جەكپە-جەكشٸلەر, شاڭعىشىلار, بياتلونيستەر جەنە ٶزگەلەر ٷشٸن ايرىقشا تاپسىرما. بٷگٸنگٸ تاڭدا كلۋبتىڭ كوماندالىق قۇرامى بٸرشاما كەڭەيتٸلدٸ. ونىڭ باعدارلاماسىنا كٷش جٷكتەمەسٸ, ەرٸك پەن شىدامدىلىقتى قاجەت ەتەتٸن كەيبٸر ۇلتتىق سپورت تٷرلەرٸ (كٶكپار, اۋدارىسپاق) قوسىلدى.
ولگا رىپاكوۆادان ٶزگە, قازٸرگٸ وليمپيادا ويىندارىندا قازاقستاندىق قۇرامانىڭ قٷرامىندا قازاقستان رەسپۋبليكاسى قورعانىس مينيسترلٸگٸ ارمييا ورتالىق سپورت كلۋبىنىڭ تاعى 9 سپورتشىسى ۇسىنىلدى. ول جەڭٸلاتلەت قاتارداعى جاۋىنگەر ميحايل كراسيلوۆ, بىلعارى قولعاپ شەبەرلەرٸ اعا سەرجانت بٸرجان جاقىپوۆ, ەفرەيتور قايرات ەرەليەۆ جەنە قر قك-نٸڭ قىزمەتكەرٸ جەنٸبەك ەلٸمحانۇلى, قر قم اوسك-نىڭ سپورتشىسى يۋريي يۋركوۆ - وق اتۋ, 3-سىنىپتى سەرجانت ەۆگەنيي الەكسەەۆ - بايداركالاردا ەسۋ, كٸشٸ سەرجانت عالىمجان ٷسەرباەۆ - ەركٸن كٷرەس, ەفرەيتور رۋسلان جاپاروۆ - تاەكۆوندو جەنە قر قك-نٸڭ قىزمەتكەرٸ ەلەنا پوتاپەنكو - زاماناۋي بەسسايىس.
ۇلت پورتالى
