تاشكەنت قالاسىنىڭ ياككاساراي اۋداندىق سوتىنىڭ شەشٸمٸمەن قۇنى بٸرنەشە ميلليون تۇراتىن گرافيكالىق كارتينا زاتتاي ايعاق رەتٸندە تەركٸلەندٸ.
2004 جىلى قايتىس بولعان كوللەكتسيونەر نيكولاي پلۋجنيكوۆتىڭ 50 جاستاعى ۇلى اندرەي پلۋجنيكوۆتىڭ ايتۋىنشا, ەكەسٸ قايتىس بولاردان ٷش كٷن بۇرىن وعان كوللەكتسيياسىندا رەمبراندت كارتيناسى ساقتالعانىن ايتقان.
"ەكەم مەنٸ شاقىرىپ الىپ, ٷيرەك قاۋىرسىنىمەن سالىنعان كارتينانى كٶرسەتتٸ. ول ماعان: "بۇل - ەڭ قىمبات كارتينا", - دەدٸ. ەكەمنٸڭ ايتۋىنشا, بۇل كارتينانى ول 1945 جىلى بەرلينگە شابۋىل كەزٸندە ولجا رەتٸندە العان. كارتينا ارتىنداعى جازباعا قاراعاندا, سۋرەتتٸ گەرمانيياعا 1945 جىلى الىپ كەلگەن. مەندە ٶزبەكستان مەدەنيەت مينيسترلٸگٸ ساراپشىلارىنىڭ كارتينا شىن مەنٸندە رەمبراندتٸكٸ ەكەنٸن دەلەلدەيتٸن قورىتىندىسى بار", - دەدٸ اندرەي پلۋجنيكوۆ.
اندرەي پلۋجنيكوۆ كارتينا ەلەمدٸك اۋكتسيونداردا ون ەكٸ ميلليون ەۆرو تۇراتىنىن بٸلگەن سوڭ, 2014 جىلى ٶنەر تۋىندىلارىن ساتۋمەن اينالىساتىن كاميل يۋلداشەۆقا پورترەتتٸ بەرگەن. سۋرەتتٸ يۋلداشەۆكە بەرگەن ۋاقىتتا پلۋجنيكوۆ جانىندا تانىمال رەستاۆراتور ديلشود ازيزوۆ بولعان.
"كارتينانى العان يۋلداشەۆ سول كٷيٸ جوعالىپ كەتتٸ. مەن الاياقتارعا الدانىپ قالعانىم تۋرالى ارىزداندىم. قىلمىستىق ٸس قوزعالدى. كارتينا بيىل 14 ماۋسىمدا تاشكەنتتەن يزرايلگە ۇشقالى جاتقان رافاەل فۋزايلوۆتىڭ باگاجىنان تابىلدى. كارتينا تەركٸلەندٸ", – دەدٸ اندرەي پلۋجنيكوۆ.
بۇل ٸس ٶزبەكستان باس پروكۋراتۋراسىنىڭ باقىلاۋىنا الىنعان.
"تەرگەۋ اياقتالدى. ٸس سوتقا بەرٸلدٸ. شىن مەنٸندە, پلۋجنيكوۆ كارتينانى ٶز ەركٸمەن يۋلداشەۆقا ساتقان. ول الاياقتىق جاساماعان. قازٸر سوتتا تاراپتاردىڭ سٶزجارىسى جٷرٸپ جاتىر. كارتينانى كونتراباندا رەتٸندە ٶزبەكستاننان شىعارعىسى كەلگەن. سۋرەت سوت شەشٸمٸ شىققانشا ۋاقىتشا تەركٸلەندٸ", – دەلٸنگەن باس پروكۋراتۋرا حابارلاماسىندا.
