قىرعىزستان تەجٸكستاننىڭ اۋعانستانمەن شەكاراسىنا قاۋٸپ تٶنسە, كٶمەكتەسۋگە مٸندەتتٸ. بۇل تۋرالى بەيسەنبٸ كٷنٸ بٸشكەكتەگٸ باسپاسٶز مەسليحاتى كەزٸندە قىرعىزستان ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەت تٶراعاسى كامشىبەك تاشيەۆ مەلٸمدەدٸ. كەيٸنگٸ اپتالاردا "تاليبان" سودىرلارى ورتالىق ازييا ەلدەرٸمەن شەكاراداعى ونداعان اۋداندى باسىپ العان.
"ەرينە, ۇجىمدىق قاۋٸپسٸزدٸك شارتى ۇيىمى اياسىندا كەز كەلگەن جاعدايدا ٶزارا ەرەكەت ەتۋگە تيٸسپٸز. اۋعانستان ورتالىق ازييانىڭ بارلىق مەملەكەتٸ ٷشٸن قاۋٸپ تٶندٸرٸپ وتىر" دەدٸ جۋرناليستەر سۇراقتارىنا جاۋاپ بەرگەن تاشيەۆ. وعان "تەجٸكستان ۇقشۇ-دان كٶمەك سۇراسا, قىرعىزستان تەجٸكستانعا كٶمەكتەسە مە?" دەگەن سۇراق قويىلعان ەدٸ.
بٸر كٷن بۇرىن تەجٸكستان اۋعانستانمەن شەكارادا قاۋٸپسٸزدٸكتٸ كٷشەيتۋ ٷشٸن ۇقشۇ ەلدەرٸنەن كٶمەك سۇراعان بولاتىن.
"ايماقتاعى جاعدايدى ەسكەرسەك, سونىمەن بٸرگە اۋعانستانمەن شەكاراداعى جەكەلەگەن اۋماقتىڭ تاۋلى اۋداندا شوعىرلانعانىن ەسەپكە الساق, مەسەلەنٸ جەكە شەشە المايمىز" دەگەن ەدٸ تەجٸكستاننىڭ ۇقشۇ-داعى ٶكٸلٸ حاسان سۋلتونوۆ. ونىڭ سٶزٸنە قاراعاندا, كەيٸنگٸ ەكٸ اپتادا تەلٸپتەرمەن سوعىستا كەرٸ شەگٸنگەن اۋعان ٷكٸمەت كٷشتەرٸنٸڭ 1,5 مىڭعا جۋىق جاۋىنگەرٸ تەجٸك شەكاراسىن كەسٸپ ٶتكەن.
اقش جەنە ناتو اۋعانستاننان ەسكەرٸن شىعارا باستاعان تۇستا تەلٸپتەر شابۋىلدى كٷشەيتكەن. باتىس ەلدەرٸنٸڭ كواليتسيياسى قىركٷيەكتٸڭ ورتاسىنا دەيٸن ەسكەرٸن تولىق ەكەتۋدٸ جوسپارلاپ وتىر.
تەجٸك بيلٸگٸنٸڭ ايتۋىنشا, قازٸر اۋعانستانمەن شەكاراداعى ورتاق سىزىقتىڭ ٷشتەن ەكٸسٸ راديكالدى دٸني توپقا قارايدى. ونىڭ جالپى ۇزىندىعى – 1350 شاقىرىم.
دۋشانبە سونىمەن بٸرگە كٶرشٸ ەلدەن بوسقىندار اعىلۋى مٷمكٸن ەكەنٸن ايتىپ, قازٸر العاشقى كەلگەندەردٸ باسپانا-جاي جەن ازىق-تٷلٸكپەن قامتاماسىز ەتە باستاعانىن حابارلادى.
قازٸر اۋعانستاندا سولتٷستٸكتەگٸ اۋدانداردىڭ ەدەۋٸر بٶلٸگٸ تەلٸپتەرگە قارايدى. راديكالدى توپ حالىقارالىق قاۋىمداستىق مويىنداعان كابۋلداعى ٷكٸمەتتٸ باسىپ الۋى مٷمكٸن دەگەن قاۋٸپ تە ايتىلىپ جاتىر.
