تارازدىق دەرٸگەرلەر سىرعا جۇتىپ قويعان 3 جاسار بالاعا سەتتٸ وتا جاسادى, - دەپ حابارلايدى "ۇلت اقپارات".
جامبىل وبلىستىق كٶپبەيٸندٸ بالالار اۋرۋحاناسىنا اتا-اناسى بٸر سەتتە شاشالىپ, اۋا جەتپەي, جاعدايى قيىنداعان بالانى الىپ كەلگەن. توقتاۋسىز قۇسىپ, ەلسٸرەپ, دەنەسٸ قۇرعاي باستاعان بٷلدٸرشٸندٸ دەرٸگەرلەر رەنتگەنگە تٷسٸرٸپ, اسقازانىنداعى بٸر كەدەرگٸنٸڭ بارىن انىقتاپ, سونىڭ ەسەرٸنەن ونىڭ جاعدايى قيىنداپ بارا جاتقانىن بايقاعان.
حيرۋرگييا بٶلٸمٸنٸڭ مەڭگەرۋشٸسٸ, جوعارى ساناتتى بالالار حيرۋرگى ەلبرۋس سالپاعاروۆ كٶپ ويلانباستان, شۇعىل ەندوسكوپييالىق وتانى باستاپ كەتەدٸ.
اناسىنىڭ ايتۋىنشا, بالا ٷيٸندە ويناپ وتىرىپ, جەردەن سىرعا تاۋىپ الىپ, جۇتىپ قويعان كٶرٸنەدٸ. بٸلٸكتٸ دە تەجٸريبەلٸ دەرٸگەر ە.سالپاعاروۆتىڭ شۇعىل ەرەكەتٸ ارقاسىندا نەرەستەنٸڭ تاماعىنداعى زات سەتتٸ الىنىپ, بالا دۇرىس دەمالىپ, مازاسىزدانعانى لەزدە باسىلدى.
«بالا اۋرۋحاناعا اۋىر جاعدايدا تٷستٸ. ٸشكەن اسىن كەرٸ قايتارىپ, ەبدەن مازاسى قاشقان. بوزارىپ, تاماق پەن سۋ ٸشە الماعاسىن, دەنەسٸ قۇرعاي باستاعان. اتا-اناسىنىڭ رۇقساتىن الىپ, وتا شۇعىل تٷردە جاسالدى. سەتتٸ اياقتالدى, بالانىڭ قازٸرگٸ جاعدايى جاقسى, تاماق پەن سۋسىن ٸشٸپ جاتىر. مەنٸڭ 30 جىلعا جۋىق جۇمىس تەجٸريبەمدە وسىعان ۇقساس جاعدايلار كٶپ ۇشىراسادى», - دەيدٸ ە. سالپاگاروۆ.
سەتتٸ ٶتكەن وتادان سوڭ تەز-اق ٶزٸنە كەلگەن كٸشكەنتاي پاتسيەنتتٸڭ اتا-اناسى بالاسىنىڭ ٶمٸرٸن امان الىپ قالعان دەرٸگەرلەرگە العىسىن جاۋدىرۋ
دەرٸگەرلەر اتا-انالاردان بارىنشا ساق بولىپ, بالالارىن قاراۋسىز قالدىرماي, ولارعا كٶبٸرەك ۋاقىت بٶلۋدٸ جەنە ۇساق زاتتاردى بالالاردىڭ قولى جەتپەيتٸن جەرگە قويۋ كەرەكتٸگٸن ەسكەرتەدٸ.
