سۋرەت اشىق دەرەككٶزدەن الىندى
تاراز قالالىق كٶپسالالى اۋرۋحاناسىنىڭ ەكٸ قىزمەتكەرٸ جاڭا تۋعان نەرەستەلەردٸ ساۋدالادى دەگەن كٷدٸككە ٸلٸندٸ, - دەپ حابارلايدى Tengrinews.kz سايتى جامبىل وبلىسى پروكۋراتۋراسىنىڭ باسپاسٶز قىزمەتٸنە سٸلتەمە جاساپ.
تاراز قالاسىنىڭ پروكۋراتۋراسى جامبىل وبلىسى پد ۇيىمداسقان قىلمىسقا قارسى كٷرەس باسقارماسىمەن بٸرلەسٸپ, جاڭا تۋعان نەرەستەلەردٸ ساتۋ دەرەگٸن انىقتادى.
"دەرەك بويىنشا 2023 جىلدىڭ 12 قاڭتارىندا قىلمىستىق كودەكستٸڭ 135-بابى 1-بٶلٸگٸ بويىنشا سوتالدى تەرگەۋ باستالدى, تاراز قالالىق كٶپسالالى اۋرۋحاناسىنىڭ ەكٸ مەديتسينا قىزمەتكەرٸ قاماۋعا الىندى", - دەلٸنگەن پروكۋراتۋرا حابارلاماسىندا.
كٷدٸكتٸلەر قر قىلمىستىق-پروتسەستٸك كودەكسٸنٸڭ 128-بابى بويىنشا ۋاقىتشا ۇستاۋ يزولياتورىنا قامالعان. قىلمىستىق ٸستٸ تەرگەۋدٸ قالالىق پروكۋراتۋرا ٶز باقىلاۋىنا الدى.
