جامبىل وبلىسىندا مەكتەپ وقۋشىسىن ۇرلاماق بولعان كٷدٸكتٸلەر ۇستالدى, دەپ حابارلايدى Ult.kz.
وقيعا كەشە كٶشەك باتىر كٶشەسٸندەگٸ اۆتوبۋس ايالداماسىندا, قالانىڭ ەڭ ٸرٸ «ۇلى دالا» شاعىن اۋدانى ماڭىندا بولعان. ساباقتان كەيٸن تٸس دەرٸگەرٸنە بارا جاتقان 13 جاستاعى وقۋشى قىز ايالدامادا اۆتوبۋس كٷتٸپ تۇرعان.
سول سەتتە ايالداماعا Volkswagen Polo اۆتوكٶلٸگٸ كەلٸپ توقتاعان. كٶلٸكتەن تٷسكەن ەكٸ ەر ادام ٶزدەرٸن قىزدىڭ ەكەسٸنٸڭ تانىستارى رەتٸندە تانىستىرىپ, ونى كٶلٸككە وتىرۋعا ٷگٸتتەگەن. قىز باس تارتقاننان كەيٸن, ولار ونى قولىنان ۇستاپ, كٷشپەن سالونعا وتىرعىزۋعا ەرەكەت جاساعان.
الدىن الا مەلٸمەت بويىنشا, باستاماشىسى – 1988 جىلى تۋعان جۇمىسسىز ت.ك. مەديتسينالىق ساراپتاما ونىڭ پسيحواكتيۆتٸ زاتتاردىڭ ەسەرٸنەن ەسٸرتكٸلٸك ماس كٷيدە بولعانىن انىقتاعان. تەرگەۋ بارىسىندا ول ايالدامادا بەيتانىس قىزدى كٶرٸپ, ونى كەيٸن نەكەگە تۇرۋ ماقساتىندا ۇرلاماق بولعانىن ايتقان.
وعان 1984 جىلى تۋعان تۋعان اعاسى ك.ا. كٶمەكتەسكەن. ول دا جۇمىسسىز, ەرٸ «پارانويدتى شيزوفرەنييا» دياگنوزىمەن پسيحياترييالىق ەسەپتە تۇرعانى بەلگٸلٸ بولدى.
قىز ايقايلاپ, قارسىلىق كٶرسەتٸپ, كٶلٸكتٸڭ ەسٸگٸن ۇستاپ, ٸشكە يتەرٸپ جٸبەرمەۋگە تىرىسقان. وسى سەتتە جانىندا بولعان ەر ادام (جەكە دەرەكتەرٸ جارييا ەتٸلمەيدٸ) ايقايعا نازار اۋدارىپ, ارالاسقان. قىزدىڭ بۇل ادامداردى تانىمايتىنىن بٸلگەن سوڭ, ول بالانى كٷدٸكتٸلەردٸڭ قولىنان جۇلىپ الىپ قالعان.
وسىدان كەيٸن كٷدٸكتٸلەر كٶلٸككە وتىرىپ, وقيعا ورنىنان ٸزٸن سۋىتقان. الايدا كٶپ ۇزاماي ەكەۋٸ دە ۇستالىپ, ۋاقىتشا ۇستاۋ يزولياتورىنا قامالدى.
اتالعان فاكتٸ بويىنشا كەمەلەتكە تولماعان قىزدى ۇرلاۋعا وقتالۋ بابى بويىنشا قىلمىستىق ٸس قوزعالدى. تەرگەۋ امالدارى جٷرگٸزٸلۋدە.
بۇل وقيعا كٷندٸز, ادام كٶپ جٷرەتٸن جەردە بولعان. ەگەر جانىنداعى ازامات بەيجاي قاراماي, ارالاسپاعاندا, جاعدايدىڭ سوڭى قايعىلى اياقتالۋى مٷمكٸن ەدٸ.
