قازاقستاننىڭ تٶتەنشە جاعداي مينيسترٸ يۋريي يلين ەسكەري قويماداعى جارىلىستان قازا تاپقان ٶرتكە قارسى قىزمەت قىزمەتكەرلەرٸنٸڭ وتباسىلارىنا قانداي تٶلەم بەرٸلەتٸنٸن ايتتى.
ساقتاندىرۋ تٶلەمٸن قوسپاعاندا, قازا تاپقان ەر قۇتقارۋشىنىڭ وتباسى 20 ميلليون تەڭگەدەن الادى, دەپ حابارلايدى Sputnik قازاقستان "حابار 24" تەلەارناسىنا سٸلتەمە جاساپ.
تج مينيسترٸ يۋريي يلين قىزمەتتٸك مٸندەتٸن اتقارۋ كەزٸندە قازا بولعان باتىرلاردىڭ وتباسىنا ماتەريالدىق كٶمەك سوماسى نەدەن قۇرالاتىنىن تٷسٸندٸردٸ.
"بٷگٸنگٸ تاڭدا ٷكٸمەت تاراپىنان ەر مارقۇمنىڭ وتباسىنا 10 ميلليون تەڭگەدەن اۋدارۋ تۋرالى شەشٸم قابىلداندى. بەس ميلليون تەڭگە – جەرگٸلٸكتٸ بيۋدجەت ەسەبٸنەن. بٸز قىزمەتكەرلەردٸڭ بٸر كٷندٸك جالاقىسىن جيناپ, ونى اۋداردىق. قر تجم ەسەبٸنەن ەرٸكتٸ تٷردە 5 ميلليون تەڭگەدەن بەرٸلەدٸ. ەمگە مۇقتاج جٸگٸتتەرگە كٶمەك كٶرسەتٸلەدٸ. مەملەكەت تاراپىنان مٸندەتتٸ ساقتاندىرۋ جاعدايى بار – قازا تاپقانداردىڭ وتباسىلارىنا 60 ايلىق اقشالاي ٷلەس تٶلەنەدٸ", - دەپ مەلٸمدەدٸ تجم باسشىسى.
مينيستر تٶلەم ەر قازا تاپقان ازاماتتىڭ زاڭدى مۇراگەرٸ انىقتالعاننان كەيٸن تٶلەنەتٸنٸن اتاپ ٶتتٸ.
ەسكە سالايىق, جامبىل وبلىسى بايزاق اۋدانىندا ورنالاسقان ەسكەري بٶلٸمدە 26 تامىزدا ساعات 19.00 شاماسىندا قويمالاردىڭ بٸرٸنٸڭ جانىندا ٶرت شىققان. ٶرت سالدارىنان انىقتالماعان زاتتار جارىلعان.
