Qazaqstannyń tótenshe jaǵdai ministri Iýrii Ilin áskeri qoimadaǵy jarylystan qaza tapqan órtke qarsy qyzmet qyzmetkerleriniń otbasylaryna qandai tólem beriletinin aitty.
Saqtandyrý tólemin qospaǵanda, qaza tapqan ár qutqarýshynyń otbasy 20 million teńgeden alady, dep habarlaidy Sputnik Qazaqstan "Habar 24" telearnasyna silteme jasap.
TJ ministri Iýrii Ilin qyzmettik mindetin atqarý kezinde qaza bolǵan batyrlardyń otbasyna materialdyq kómek somasy neden quralatynyn túsindirdi.
"Búgingi tańda úkimet tarapynan ár marqumnyń otbasyna 10 million teńgeden aýdarý týraly sheshim qabyldandy. Bes million teńge – jergilikti biýdjet esebinen. Biz qyzmetkerlerdiń bir kúndik jalaqysyn jinap, ony aýdardyq. QR TJM esebinen erikti túrde 5 million teńgeden beriledi. Emge muqtaj jigitterge kómek kórsetiledi. Memleket tarapynan mindetti saqtandyrý jaǵdaiy bar – qaza tapqandardyń otbasylaryna 60 ailyq aqshalai úles tólenedi", - dep málimdedi TJM basshysy.
Ministr tólem ár qaza tapqan azamattyń zańdy murageri anyqtalǵannan keiin tólenetinin atap ótti.
Eske salaiyq, Jambyl oblysy Baizaq aýdanynda ornalasqan áskeri bólimde 26 tamyzda saǵat 19.00 shamasynda qoimalardyń biriniń janynda órt shyqqan. Órt saldarynan anyqtalmaǵan zattar jarylǵan.
