جامبىل وبلىسىنىڭ تۇرعىندارى ەلەۋمەتتٸك جەلٸدە ساعات 11:30 شاماسىندا جارىلىس داۋسىن ەستٸگەنٸن جازدى. انىقتالعانداي, بايزاق اۋدانىندا وق-دەرٸ فراگمەنتتەرٸن جارۋ جۇمىسى باستالعان, دەپ جازادى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
قورعانىس مينيسترلٸگٸ جوسپارلى جۇمىستار تۋرالى ەكٸمدٸكتەر مەن تۇرعىندارعا الدىن الا حابارلاعانىن ايتتى.
"جامبىل وبلىسى بايزاق اۋدانىنداعى قورعانىس مينيسترلٸگٸنٸڭ ينجەنەرلٸك-ساپەرلٸك بٶلٸمشەلەرٸنٸڭ كٷشتەرٸ وق-دەرٸلەردٸڭ سىنىقتارىن باقىلاۋلى جارۋ جۇمىستارىن باستادى. جۇمىس 13 قاراشاعا, دٷيسەنبٸدەن جۇماعا دەيٸن كٷن سايىن جٷرگٸزٸلەدٸ. بۇل ۋچاسكە ەسكەري بٶلٸم مەن ەلدٸ مەكەندەردەن 12 شاقىرىمنان استام قاشىقتا, تاۋلى ايماقتا ورنالاسقان", - دەلٸنگەن حابارلامادا.
ماماندار جەرگٸلٸكتٸ تۇرعىندار مەن ينجەنەرلٸك-ساپەرلٸك قوندىرعىلاردىڭ جەكە قۇرامىنىڭ قاۋٸپسٸزدٸگٸن قامتاماسىز ەتۋ ٷشٸن تاڭدالعان اۋماقتىڭ ەگجەي-تەگجەيلٸ زەرتتەلگەنٸن ايتتى.
"جامبىل وبلىسى ٸٸد ەسكەري پوليتسييانىڭ قاتىسۋىمەن جارىلىس بولعان جەردٸڭ اينالاسى قورشاۋعا الىندى. جارىلىستاردىڭ دىبىسى بولادى. جٷرگٸزٸلگەن جۇمىس حالىققا ەشقانداي قاۋٸپ تٶندٸرمەيدٸ", - دەدٸ قورعانىس مينيسترلٸگٸ.
26 تامىزدا جامبىل وبلىسى بايزاق اۋدانىندا ورنالاسقان ەسكەري بٶلٸمدە ساعات 19.00 شاماسىندا قويمالاردىڭ بٸرٸنٸڭ جانىندا ٶرت بولدى. ٶرتتٸڭ سالدارىنان بەلگٸسٸز زاتتار جارىلدى. بارلىعى 10-عا جۋىق جارىلىس بولدى. 17 ادام قايتىس بولدى, ولاردىڭ كٶپشٸلٸگٸ تٶتەنشە جاعدايلار مينيسترلٸگٸنٸڭ قۇتقارۋشىلارى بولدى. 98 ادام مەديتسينالىق كٶمەك الۋ ٷشٸن اۋرۋحانالارعا باردى.
