فوتو: كريمينالنىي كازاحستان
تۋىستارىنىڭ ايتۋىنشا, 15 جاستاعى دامير ەسٸمدٸ جاسٶسپٸرٸمدٸ ساباق اراسىنداعى ٷزٸلٸستە كيٸم اۋىستىراتىن بٶلمەگە الداپ شاقىرىپ, سول جەردە سىنىپتاستارى وعان شابۋىل جاساعان, دەپ حابارلايدى Ult.kz كريمينالنىي كازاحستان telegram ارناسىنا سٸلتەمە جاساپ.
بەينەباقىلاۋ جازبالارىنا قاراعاندا, ەڭگٸمە تەز ارادا تٶبەلەسكە ۇلاسىپ, جاسٶسپٸرٸمدٸ باسىنان ۇرعان. كٶمەكتەسۋگە تىرىسقان دوسىنا ارالاسۋعا مٷمكٸندٸك بەرٸلمەگەن.
جەبٸرلەنۋشٸنٸڭ اناسىنىڭ ايتۋىنشا, بالا اۋىر جاراقات العان: ميى شايقالىپ, كٶزٸ قاتتى زاقىمدانعان. دەرٸگەرلەردٸڭ سٶزٸنشە, كٶزٸن «قايتا قۇراستىرعان». قازٸر ونىڭ جاعدايى اۋىر, اسقىنۋ قاۋپٸ بار.
«ەڭ بولماسا ورگان رەتٸندە ساقتالىپ قالسا ەكەن. دەرٸگەردٸڭ ايتۋىنشا, الداعى 10 كٷن ٶتە ماڭىزدى: “ينفەكتسييا ميعا ٶتپەسە ەكەن دەپ دۇعا قىلىڭىزدار” دەدٸ. بالا ميى شايقالىپ, كونتۋزييا العان. كٶزٸنە قاتتى زاقىم كەلگەن, كٶز تٷبٸ تولىقتاي بٷلٸنگەن», — دەدٸ اناسى زۋحرا كاريموۆا.
جاسٶسپٸرٸم وپەراتسييادان ٶتكەن, بٸراق بولعان جاعدايدى تولىق ەسٸنە تٷسٸرە المايدى. ونىڭ ايتۋىنشا, شابۋىل جاساعانداردىڭ قولىندا مەتالل زات بولۋى مٷمكٸن.
پوليتسييا «دەنساۋلىققا قاساقانا اۋىر زييان كەلتٸرۋ» بابى بويىنشا قىلمىستىق ٸس قوزعادى. كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى.
سونداي-اق, وقيعاعا قاتىسۋشىلاردىڭ اتا-انالارىن دا جاۋاپكەرشٸلٸككە تارتۋ جوسپارلانىپ وتىر.
