Foto: Kriminalnyi Kazahstan
Týystarynyń aitýynsha, 15 jastaǵy Damir esimdi jasóspirimdi sabaq arasyndaǵy úziliste kiim aýystyratyn bólmege aldap shaqyryp, sol jerde synyptastary oǵan shabýyl jasaǵan, dep habarlaidy Ult.kz Kriminalnyi Kazahstan telegram arnasyna silteme jasap.
Beinebaqylaý jazbalaryna qaraǵanda, áńgime tez arada tóbeleske ulasyp, jasóspirimdi basynan urǵan. Kómektesýge tyrysqan dosyna aralasýǵa múmkindik berilmegen.
Jábirlenýshiniń anasynyń aitýynsha, bala aýyr jaraqat alǵan: miy shaiqalyp, kózi qatty zaqymdanǵan. Dárigerlerdiń sózinshe, kózin «qaita qurastyrǵan». Qazir onyń jaǵdaiy aýyr, asqyný qaýpi bar.
«Eń bolmasa organ retinde saqtalyp qalsa eken. Dárigerdiń aitýynsha, aldaǵy 10 kún óte mańyzdy: “Infektsiia miǵa ótpese eken dep duǵa qylyńyzdar” dedi. Bala miy shaiqalyp, kontýziia alǵan. Kózine qatty zaqym kelgen, kóz túbi tolyqtai búlingen», — dedi anasy Zýhra Karimova.
Jasóspirim operatsiiadan ótken, biraq bolǵan jaǵdaidy tolyq esine túsire almaidy. Onyń aitýynsha, shabýyl jasaǵandardyń qolynda metall zat bolýy múmkin.
Politsiia «Densaýlyqqa qasaqana aýyr ziian keltirý» baby boiynsha qylmystyq is qozǵady. Kúdikti ustalyp, ýaqytsha ustaý izoliatoryna qamaldy.
Sondai-aq, oqiǵaǵa qatysýshylardyń ata-analaryn da jaýapkershilikke tartý josparlanyp otyr.
