فوتو: qazaqstan.tv
ەسترادا ەنشٸسٸ سەكەن قالىموۆ ٶزٸنٸڭ ٶتكەن ٶمٸرٸندەگٸ قاتەلٸكتەر تۋرالى اشىق سٶيلەپ, بۇرىنعى جۇبايى مەن بالاسىنىڭ الدىنان ٶتپەك بولعانىن جاسىرمادى, دەپ جازادى Democrat.kz.
ٶنەر يەسٸنٸڭ ايتۋىنشا, ول استاناعا ارنايى بارىپ, وتباسىمەن سٶيلەسپەك بولعان. الايدا بۇل تالپىنىسى سەتسٸز اياقتالعان.
«الدارىنان ٶتەيٸن دەپ استاناعا ٸزدەپ باردىم. جارىمدى دا, بالامدى دا كٸنەلاي المايمىن. قاتەلٸك – مەنەن. ول كەزدە جەڭٸلتەك ٶمٸر سٷردٸك, باسقاشا ورتا بولدى. سەرٸلٸك قۇرىپ جٷرگەن كەزەڭ ەدٸ, كٶپ دٷنيەگە اتٷستٸ قارادىق.
ەرينە, مەنٸ قۇشاق جايا قارسى الادى دەپ بارعان جوقپىن. بٸراق تٸل تابىسا المادىم. مەنٸ قابىلدامادى. بۇيىرعان كٷنٸ بەرٸ رەتتەلەدٸ دەپ ٷمٸتتەنەمٸن», – دەدٸ ول اعىنان جارىلىپ.
