قر مەدەنيەت جەنە سپورت مينيسترلٸگٸنٸڭ تۋريزم يندۋستريياسى كوميتەتٸنٸڭ تٶراعاسى داستان رىسپەكوۆ تامىزدا تايلاند پەن گرۋزيياعا ەۋە رەيستەرٸ اشىلۋى مٷمكٸن ەكەنٸن مەلٸم ەتتٸ, دەپ حابارلايدى "ۇلت اقپارات".
«ٶزدەرٸڭٸز بٸلەتٸندەي, شىعۋ تۋريزمٸ بويىنشا وسى جىلدىڭ 26 ماۋسىمىنان باستاپ تٷركييا مەن وڭتٷستٸك كورەياعا حالىقارالىق قاتىناس اشىلعان بولاتىن. 2020 جىلدىڭ 20 ماۋسىمى مەن 4 شٸلدەسٸ ارالىعىندا 622 قازاقستاندىق ازامات تۋركومپانييا قىزمەتتەرٸن پايدالانىپ, تٷركييادا دەمالۋعا مٷمكٸندٸك الدى. وسىلايشا شىعۋ تۋريزمٸ سالاسىنداعى كومپانييالار تۋريستەر الدىنداعى, ونىڭ ٸشٸندە بۇرىن اۋىستىرىلعان جولدامالار بويىنشا ٶز مٸندەتتەمەلەرٸن ورىنداۋدى باستادى», - دەدٸ داستان رىسپەكوۆ وكق-دا ٶتكەن باسپاسٶز مەسليحاتىندا.
كوميتەت تٶراعاسىنىڭ ايتۋىنشا, ٶكٸنٸشكە قاراي ەپيدەميولوگييالىق جاعدايدىڭ ناشارلاۋىنا بايلانىستى قازٸرگٸ ۋاقىتتا تٷركيياعا رەيستەر ۋاقىتشا توقتاتىلعان.
«ەپيدەميولوگييالىق جاعدايدىڭ جاقسارعانىن ەسكەرە وتىرىپ, قازٸرگٸ ۋاقىتتا بٸرقاتار ەلدەرمەن ەۋە قاتىناسىن قالپىنا كەلتٸرۋ مەسەلەلەرٸ قاراستىرىلۋدا. ونىڭ ٸشٸندە تامىز ايىندا تايلاند پەن گرۋزيياعا رەيستەر اشۋ جوسپارلانعان», - دەدٸ ول.
