كارانتيننٸڭ تاعى ەكٸ اپتاعا ۇزارتىلۋىنا بايلانىستى تامىز ايىندا قازاقستاندىقتارعا 42 500 تەڭگە بەرٸلۋٸ مٷمكٸن بە? بۇل سۇراققا وكق-دا ٶتكەن باسپاسٶز مەسليحاتىندا ۇلتتىق ەكونوميكا مينيسترٸ رۋسلان دەلەنوۆ جاۋاپ بەردٸ, دەپ حابارلايدى "ۇلت اقپارات".
«ٶزدەرٸڭٸز بٸلەتٸندەي, مەملەكەتتٸك كوميسسيياعا كارانتين مەرزٸمٸن ۇزارتۋ مەسەلەسٸن قاراۋ تۋرالى تاپسىرما جٷكتەلگەن بولاتىن. تاياۋدا ٶتەتٸن مەملەكەتتٸك كوميسسييانىڭ وتىرىسىندا بٸرقاتار مٸندەت قارالىپ, ونىڭ ٸشٸندە حالىق پەن ەكونوميكانى قولداۋ مەسەلەسٸ دە پىسىقتالادى. بۇل مەسەلە سول سەبەپتٸ مەملەكەتتٸك كوميسسييانىڭ وتىرىسىنان كەيٸن بەلگٸلٸ بولادى», - دەدٸ رۋسلان دەلەنوۆ.
ەسكە سالا كەتسەك, شٸلدە ايىندا قازاقستاندىقتارعا 42 500 تەڭگەدەن بەرٸلەتٸنٸ حابارلانعان بولاتىن. 29 شٸلدە ساعات 9.00-دەگٸ جاعداي بويىنشا 42 500 تەڭگە مٶلشەرٸندە بٸرجولعى تٶلەم تاعايىنداۋعا ازاماتتاردان 2,2 ملن-نان استام بٸرەگەي ٶتٸنٸش قابىلدانعان. تٶلەم 2 ملن ادامعا تاعايىندالدى. اقشالاي قاراجات 1 ملن 981 مىڭ قازاقستاندىققا اۋدارىلعان.
