Karantinniń taǵy eki aptaǵa uzartylýyna bailanysty tamyz aiynda qazaqstandyqtarǵa 42 500 teńge berilýi múmkin be? Bul suraqqa OKQ-da ótken baspasóz máslihatynda Ulttyq ekonomika ministri Rýslan Dálenov jaýap berdi, dep habarlaidy "Ult aqparat".
«Ózderińiz biletindei, memlekettik komissiiaǵa karantin merzimin uzartý máselesin qaraý týraly tapsyrma júktelgen bolatyn. Taiaýda ótetin memlekettik komissiianyń otyrysynda birqatar mindet qaralyp, onyń ishinde halyq pen ekonomikany qoldaý máselesi de pysyqtalady. Bul másele sol sebepti memlekettik komissiianyń otyrysynan keiin belgili bolady», - dedi Rýslan Dálenov.
Eske sala ketsek, shilde aiynda qazaqstandyqtarǵa 42 500 teńgeden beriletini habarlanǵan bolatyn. 29 shilde saǵat 9.00-degi jaǵdai boiynsha 42 500 teńge mólsherinde birjolǵy tólem taǵaiyndaýǵa azamattardan 2,2 mln-nan astam biregei ótinish qabyldanǵan. Tólem 2 mln adamǵa taǵaiyndaldy. Aqshalai qarajat 1 mln 981 myń qazaqstandyqqa aýdarylǵan.
