اۋعان-تەجٸك شەكاراسىنداعى شەرحان-باندار ايماعىن باسىپ العان تەلٸپتەر قۇندىز قالاسىنا قاراي ويىسا باستاعان. اقش پەن ناتو ەسكەرٸ ەلدەن شىعارىلىپ جاتقان تۇستا تاليبان باسقىنشىلىقتى ٷدەتٸپ, اۋعانستانداعى كٶپ جەرلەرگە باقىلاۋ ورناتا باستاعان.
23 مامىردا كونگرەستە سٶيلەگەن شتاب جەتەكشٸلەرٸنٸڭ بٸرٸككەن كوميتەتٸنٸڭ تٶراعاسى مارك ميللي اۋعانستاندا 419 اۋدان ورتالىعىنىڭ 81-ٸ تەلٸپتەر باقىلاۋىندا ەكەنٸن ايتتى. بٸراق ميلليدٸڭ ايتۋىنشا, باسىپ الىنعان اۋماقتىڭ 60-ى اقش ەسكەرٸن الىپ كەتەتٸنٸن مەلٸمدەمەي تۇرىپ تەلٸپتەر قولىنا ٶتكەن.
22 ماۋسىمدا تاليبان تەجٸك شەكاراسىنداعى نەگٸزگٸ اۋماقتى باقىلاۋىنا العان ەدٸ. 23 مامىردا تاليبان سوعان قاراماستان شەكارادا ساۋدا جالعاسا بەرەدٸ دەپ مەلٸمدەدٸ. اقپاراتقا قاراعاندا, شەكارا بەكەتٸنەن كٷن سايىن مىڭ شاقتى كٶلٸك ٶتەدٸ.
تەلٸپتەر قۇندىز پروۆينتسيياسىنىڭ ورتالىعى قۇندىز قالاسىنىڭ وڭتٷستٸگٸنەن شامامەن 50 شاقىرىم جەردەن قالانى جان-جاقتان قورشاي باستاعان. تۇرعىندار سوعىستىڭ قىزۋ جٷرٸپ جاتقانىن, جارىق جەنە ٶزگە دە ينفراقۇرىلىم جٷيەسٸندە اقاۋ تۋىنداعانىن حابارلادى.
تەلٸپتەردٸڭ ٶكٸلٸ مۋدجاحيدتٸڭ سٶزٸنشە, سودىرلارعا قالاعا كٸرمەۋگە بۇيرىق بەرٸلگەن. تاليبان جەتەكشٸلەرٸ بۇل پروۆينتسييادان اقش كٷشتەرٸنٸڭ تولىق شىققانىن كٷتپەك.
ال تەجٸكستان بيلٸگٸ 23 ماۋسىمدا اۋعان-تەجٸك شەكاراسىندا قاقتىعىستىڭ تىنشىماعانىن حابارلادى. بٸر كٷن بۇرىن تەلٸپتەرمەن سوعىسىپ, شەگٸنۋگە مەجبٷر بولعان اۋعان ٷكٸمەتٸنٸڭ ەسكەرٸ تەجٸك جاعىنا ٶتٸپ كەتكەن ەدٸ.
"بٸرنەشە ساعاتقا سوزىلعان اتىستان كەيٸن شابۋىلعا تٶتەپ بەرە الماي اۋعان ٷكٸمەتٸ كٷشتەرٸنٸڭ 134 ساربازى "پايانج" بەكەتٸ ارقىلى تەجٸكستاننىڭ ايماعىنا شەگٸنۋگە مەجبٷر بولعان" دەدٸ 22 ماۋسىمدا تەجٸكستان ۇلتتىق قاۋٸپسٸزدٸك كوميتەتٸنٸڭ ٶكلٸدەرٸ.
تەجٸك شەكاراشىلارى "گۋمانيزم مەن دوستىق تۋرالى كەلٸسٸم شارتتارىنا سٷيەنە وتىرىپ, اۋعان ساربازدارىنا تەجٸك جەرٸنە كەدەرگٸسٸز ٶتۋٸنە رۇقسات بەرگەن".
مەلٸمەتكە قاراعاندا, شەكاراعا جاقىن جەردەگٸ قاقتىعىستا اۋعان ەسكەرٸنٸڭ 100 شاقتى ساربازى وققا ۇشىپ, تۇتقىنعا الىنعان.
