"تاليبان" سودىرلارى اۋعانستانداعى اتاقتى ەنشٸ ەرٸ مۋزىكانت فاۆاد اندارابيدٸ ٶلتٸردٸ. بۇل جٶنٸندە Times Now باسىلىمى حابارلادى. ولارعا مۇنى مارقۇمنىڭ ۇلى ايتقان.
باسىلىمنىڭ جازۋىنشا, تەلٸپتەر 28 تامىزدا اندارابيدٸڭ باعلان ايماعىنداعى ٷيٸنە بارىپ, ەنشٸنٸ سىرتقا الىپ شىعىپ, اتىپ تاستاعان. ەنشٸ وقيعا ورنىندا قازا تاپقان. اندارابي ەندەرٸندە "تاليبان" توبىن كٶپ سىناپ, ونىمەن كٷرەسٸپ جاتقاندارعا قولداۋ بٸلدٸرەتٸن.
اۋعانستاننىڭ بۇرىنعى ٸشكٸ ٸستەر مينيسترٸ ماسۋد اندارابي دە مۋزىكانتتىڭ قازا تاپقانىن راستادى.
27 تامىزدا "تاليبان" باسشىلارى اۋعانستاندا قوعامدىق ورىنداردا مۋزىكا ويناۋعا تىيىم سالىناتىنىن مەلٸمدەدٸ. "يسلامدا مۋزىكاعا تىيىم سالىنعان, بٸراق بٸز قىسىم جاساۋدىڭ ورنىنا جۇرتتى يلاندىرۋعا تىرىسىپ كٶرەمٸز" دەدٸ تەلٸپتەر ٶكٸلٸ زابيحۋللا مۋجاحيد New York Times گازەتٸنە بەرگەن سۇحباتىندا.
1996-2001 جىلدارى بيلٸك قۇرعان تەلٸپتەر قاتاڭ شاريعات زاڭدارىنا سٷيەنگەن. سول تۇستا ەلدە ازاماتتاردىڭ ساياسي قۇقىقتارى مەن نەگٸزگٸ بوستاندىقتارى شەكتەلگەن. ەسٸرەسە ەيەلدەر مەن قىزدارعا كٶپ تىيىم بولعان.
