"Taliban" sodyrlary Aýǵanstandaǵy ataqty ánshi ári mýzykant Favad Andarabidi óltirdi. Bul jóninde Times Now basylymy habarlady. Olarǵa muny marqumnyń uly aitqan.
Basylymnyń jazýynsha, tálipter 28 tamyzda Andarabidiń Baǵlan aimaǵyndaǵy úiine baryp, ánshini syrtqa alyp shyǵyp, atyp tastaǵan. Ánshi oqiǵa ornynda qaza tapqan. Andarabi ánderinde "Taliban" tobyn kóp synap, onymen kúresip jatqandarǵa qoldaý bildiretin.
Aýǵanstannyń burynǵy ishki ister ministri Masýd Andarabi de mýzykanttyń qaza tapqanyn rastady.
27 tamyzda "Taliban" basshylary Aýǵanstanda qoǵamdyq oryndarda mýzyka oinaýǵa tyiym salynatynyn málimdedi. "Islamda mýzykaǵa tyiym salynǵan, biraq biz qysym jasaýdyń ornyna jurtty ilandyrýǵa tyrysyp kóremiz" dedi tálipter ókili Zabihýlla Mýjahid New York Times gazetine bergen suhbatynda.
1996-2001 jyldary bilik qurǵan tálipter qatań shariǵat zańdaryna súiengen. Sol tusta elde azamattardyń saiasi quqyqtary men negizgi bostandyqtary shektelgen. Ásirese áielder men qyzdarǵa kóp tyiym bolǵan.
