باسپاسٶز مەسليحاتى زالىنا كٸرگەن تالعات بايسۋفينوۆكە جۋرناليستەر بٸر مينۋت بويى تٸك تۇرىپ قوشەمەت كٶرسەتتٸ. شىنى كەرەك, مۇنداي قوشەمەتكە وسى ۋاقىتقا دەيٸن ۇلتتىق قۇرامانىڭ بٸردە-بٸر باس باپكەرٸ يە بولماعان ەدٸ. تۋعان كٷنٸمەن قۇتتىقتاعان جۋرناليستەرگە العىسىن جاۋدىرعان مارۋانۇلى باسپاسٶز مەسليحاتىندا كەڭٸنەن كٶسٸلدٸ. بۇل تۋرالى sportsffa.kz سايتى جازدى.
– تالعات مارۋانۇلى, ويىن جايلى ويىڭىزدى بٸلسەك. كٶڭٸلٸڭٸزدەن شىقتى ما?
– ويىننان كەيٸن فۋتبولشىلاردىڭ بارلىعىنا بارشا قازاقستاندىق جانكٷيەرلەردٸڭ اتىنان العىس ايتتىم. تۋعان كٷنٸمە جاقسى سىيلىق جاسادى. بٷگٸن «بٸر جاعادان باس, بٸر جەڭنەن قول شىعاردىق». كومانداداعى ارداگەر ويىنشىلارعا دا ەرەكشە راحمەت ايتقىم كەلەدٸ. كەيبٸرٸ الاڭعا شىقپاسا دا, بٸزدٸڭ قاسىمىزدا جٷرٸپ جاستاردىڭ وسىلاي كٶسٸلە شابۋى ٷشٸن قولدارىنان كەلگەننٸڭ بارلىعىن جاسادى. شىنى كەرەك, تەڭ ويناعانىمىزعا قۋانىپ تۇرعان جوقپىن. ماتچ الدىندا الاڭعا تەك جەڭٸس ٷشٸن شىعاتىنىمىزدى ايتقانمىن. شىنىمەن دە, جەڭٸسكە لايىق ٶنەر كٶرسەتتٸك. سوندىقتان, تەڭ تٷسكەنٸمٸزدەن گٶرٸ ەكٸ ۇپايدان ايرىلىپ قالعانىمىزعا ٶكٸنەمٸن. بٸراق 0:2 ەسەبٸمەن جەڭٸلٸپ جاتىپ, ەكٸ گول سوعۋ وڭاي بولعان جوق.
– بٷگٸنگٸ نەگٸزگٸ قۇرامدى دەل قازٸرگٸ تاڭداعى ەلٸمٸزدٸڭ ەڭ ٷزدٸك فۋتبولشىلارى دەپ ايتۋعا بولا ما?
– ەرينە, سولاي. بٷگٸن بٸز ەڭ مىقتىلاردى شىعاردىق. دەگەنمەن, يۋريي لوگۆينەنكو مەن تاڭات نٶسەرباەۆتىڭ جاراقات الىپ قالعاندارى جامان بولدى. ولاردىڭ بۇل ويىندا كٶمەكتەرٸ كٶپ تيەتٸن ەدٸ. جالپى, ۇلتتىق قۇراماعا شىنىمەن دە ەڭ ٷزدٸكتەر جينالعان. بٸز باس كوماندامىزعا ويىنشىلار شاقىرۋ ستراتەگيياسىنداعى وسى باعىتىمىزدان تايماۋىمىز قاجەت. راس, جاستاردى دا شاقىرىپ كٶرگٸم كەلگەن. بٸراق قازاقستان جاستار قۇراماسى دا ٶز ويىنىن كٷنٸ كەشە عانا ٶتكٸزدٸ. ول جاقتا دا دارىندى, تالانتتى ويىنشىلار بار. سونىمەن قاتار, تەجٸريبەلٸ ويىنشىلاردان دا باس تارتپايمىز. ولار كوماندانىڭ اۋراسىن ۇستاپ تۇرۋ ٷشٸن ٶتە كەرەك. جالپى, ٶزدەرٸن كٶرسەتكەن بارلىق ويىنشىلارعا ەسٸگٸمٸز اشىق.
– ٷزٸلٸستەن كەيٸن فۋتبولشىلارىمىزدىڭ ويىنى ادام تانىماستاي ٶزگەردٸ. بٸرنەرسە دەدٸڭٸز بە?
– فۋتبولشىلارىما ريزا بولاتىنىم, ايتقىزباي-اق تٷسٸنەدٸ عوي مەنٸ. ارتىق ەشنەرسە دەمەدٸم. تەك ٷستٸندەگٸ فورمالارىن كٶرسەتتٸم دە, «مٸنە, ەلتاڭبا, ودان تٶمەنٸرەكتە جٷرەك. وسى ٷشٸن ويناڭدار!» دەدٸم. سٶزدەرٸم فۋتبولشىلاردىڭ جٷرەكتەرٸنە دٶپ تيگەنٸنە ريزامىن. نەگٸزٸ, بٸرٸنشٸ تايمنىڭ سوڭىندا-اق ويىنىمىز جٷرە باستادى. تەك ٷزٸلٸستەن كەيٸن سونىڭ بارلىعىن جەتەسٸنە دەيٸن جەتكٸزۋ قاجەت بولدى. ەكٸنشٸ تايمدا سەرٸكجان مۋجيكوۆ پەن باتوريك يسلامحان بەلسەندٸ ويناپ, ويىن تٸزگٸنٸن ٶز قولدارىنا الا باستادى. سونىڭ ارقاسىندا ويىن ٶرنەگٸمٸزگە بەرەكە كٸرٸپ, ەكٸ شابۋىلىمىز سوڭىنا دەيٸن جەتتٸ.
– ماقتاۋلى روبەرت لەۆاندوۆسكي بٷگٸن قاقپامىزعا تەك پەنالتيدەن عانا گول سوعا الدى. ونىڭ اياعىن تۇساۋلاپ تاستادىق دەپ ايتا الامىز با?
– بۇل اتى شىققان شابۋىلشى بٸرٸنشٸ رەتتە پروبلەمانى ٶزٸنەن ٸزدەۋ كەرەك شىعار. بٸراق, شىنىمەن دە بٷگٸن قورعاۋشىلارىمىز لەۆاندوۆسكيگە قارسى جاقسى ويناپ, وعان ارتىق قيمىل جاساتقان جوق.
– بٸرٸنشٸ تايمدا تٶرەشٸلەر بٸزگە قارسى بەي-بەرەكەت كٶپ ىسقىرعانداي كٶرٸندٸ. ولاردىڭ قىزمەتٸنە قانداي باعا بەرەسٸز?
– مۇنداي ويىنداردا تٶرەشٸلٸك كٶپ ايتپايمىز عوي. بٸراق, ٶزٸڭٸز دە كٶردٸڭٸزدەر, بٸرٸنشٸ تايمدا ويىنشىلارىمىزدى قىسىپ ۇستادى. قيت ەتسە, ىسقىرا جٶنەلٸپ, جيٸ توقتاتىپ تاستاپ جاتتى. بەلكٸم, مۇنىڭ بارلىعى ەلٸ حالىقارالىق ارەنادا بەدەلٸمٸزدٸڭ ازدىعىنان شىعار. ال ەكٸنشٸ تايمدا الاڭ قوجايىنى كٸم ەكەنٸن تٷسٸندٸ عوي دەيمٸن. قىزمەتٸ كٶڭٸلٸمنەن شىقتى. ٷزٸلٸستەن كەيٸن ازداپ ەركٸندٸك بەرگەن ەدٸ, فۋتبولشىلارىمىزدىڭ دا ويىندارى جٷرٸپ, كٶسٸلە باستادىق.
– سوڭعى بٸر جارىم جىلدا قاي قارسىلاسقا قارسى بولماسىن, ۇلتتىق قۇرامامىز تٶرت قورعاۋشىمەن ويناۋشى ەدٸ. نەلٸكتەن بٷگٸن جەنە ٶتكەندە قىرعىزدارعا قارسى بەس قورعاۋشىمەن وينادىق?
– يە, ۇلتتىق قۇرامانى العاش قولعا العان سەتٸمدە كوماندا 4-2-3-1 جٷيەسٸ بويىنشا وينايتىن. سودان مەن ٶزٸمە «بار نەرسەنٸ بٷلدٸرٸپ الماي, جەتٸلدٸرە تٷسۋٸم كەرەك» دەگەن ماقسات قويدىم. يە, تٶرت قورعاۋشىدان تۇراتىن تاكتيكانىڭ كٶمەگٸنە جٷگٸنەمٸز. ودان بٸرجولا باس تارتقان جوقپىز. دەگەنمەن, نەگٸزگٸ قورعاۋشىمىز يۋرا لوگۆينەنكو جاراقات الىپ قالعاننان كەيٸن ويىنعا وسىنداي ٶزگەرٸستەر ەنگٸزۋٸمٸزگە تۋرا كەلدٸ. دەگەنمەن, بايقاعان بولساڭىزدار, بٷگٸن بٸز 5-3-2 جٷيەسٸندە ەمەس, 3-5-2 جٷيەسٸندە وينادىق. ياعني, ٷش ورتالىق قورعاۋشىمىز بولدى. ال لاتەرالداردىڭ نەگٸزگٸ مٸندەتتەرٸ شابۋىل بولدى. بٸز قاپتالداعى قورعاۋشىلارىمىزدان بٸرٸنشٸ رەتتە شابۋىلداۋدى سۇرادىق. بۇل مودەلدٸ قىرعىزدارعا قارسى ويىندا دا پايدالانىپ كٶرگەنبٸز. نەتيجەسٸ, جامان ەمەس. جەڭٸپ كەتكەنٸمٸزدە تٸپتەن قاتىپ كەتەر ەدٸ.
