فوتو: اشىق دەرەككٶز
20 جاستاعى نيگينا دجاگيپاروۆا 10 قاڭتار كٷنٸ تاڭعى ساعات 05:00 شاماسىندا ٶزٸن ناشار سەزٸنگەندٸكتەن تالعار ورتالىق اۋداندىق اۋرۋحاناسىنا بارعان. الايدا دەرٸگەردٸڭ قابىلداۋىنان ٷيٸنە ورالعان سوڭ بٸر ساعاتتان كەيٸن كٶز جۇمعان, دەپ حابارلايدى Ult.kz "ەۋرازييا" ارناسىنا سٸلتەمە جاساپ.
نيگينا دجاگيپاروۆا تاڭعى ۋاقىتتا كەنەتتەن كەۋدە تۇسى اۋىرىپ, اپاسىمەن بەرگە اۋرۋحاناعا مەديتسينالىق كٶمەك الۋعا بارعان. تۋىستارىنىڭ ايتۋىنشا, دەرٸگەرلەر قىزدى تەكسەرگەن. اناليز الىپ, كارديوگرامما مەن رەنتگەنگە تٷسٸرگەن. مەديتسينا قىزمەتكەرلەرٸنٸڭ قويعان الدىن الا دياگنوزى – وشاقتى پنەۆمونييا.
"سيستەما سالدى, بٸراق جاعدايى جاقسارمادى. "سٸزدەردٸ جاتقىزا المايمىز" دەدٸ. تەكسەرگەن جوق, ول قىز وتىرعان دا جوق, اۋىرسىنۋ دا كەتپەدٸ. ەشتەڭە ٸستەي المايمىز دەدٸ. ولار قالاي قىزدى اۋرۋحانادان جٸبەرە سالدى? ونى نە سەبەپتٸ جٸبەرگەنٸن بٸلگٸمٸز كەلەدٸ", – دەپ بولعان جايدايدى باياندادى مارقۇمنىڭ ەپكەسٸ ناتاليا پوپلاۆسكايا.
ناۋقاستىڭ جاعدايىنا قاراماستان ونى دەرٸگەرلەر باقىلاۋعا الماي, پۋلمونولوگ دەرٸگەرگە جٸبەرگەن. نيگينا اپاسىمەن ٷيٸنە قايتىپ كەتكەن. بٸراق ٷيگە كەلگەن سوڭ اراعا بٸر ساعاتتاي ۋاقىت ٶتكەندە قىز كٶز جۇمعان.
مارقۇمنىڭ تۋىستارى دەرٸگەرلەر قىزدىڭ جاعدايىن كٶرٸپ تۇرىپ, نە سەبەپتٸ ٷيگە قايتارىپ جٸبەرگەنٸن تٷسٸنبەي دال. ولار نيگينا دەرٸگەرلەردٸڭ باقىلاۋىندا بولعاندا امان قالۋعا بولاتىن ەدٸ دەپ وتىر.
"ول ماعان حابارلاسىپ, "اعا, كٶمەكتەسٸڭٸزشٸ" دەدٸ. بۇل ونىڭ ماعان ايتقان سوڭعى سٶزدەرٸ ەدٸ. مەن جيەنٸمنٸڭ مەيٸتٸن كٶرۋگە كەلدٸم. مىنا قاعازداردىڭ قابىلداۋ بٶلٸمٸنەن شىعارتىپ الدىم. قىزعا تەك بٸر "پۋلمونولوگقا بار" دەگەن قاعاز بەرگەن", – دەيدٸ نيگينانىڭ ناعاشى اعاسى راحيمجان مۋساروۆ.
ناگيناعا جاقىندا تۇرمىس قۇرۋعا ۇسىنىس جاساعان. ول جاڭا ٶمٸرگە قادام باسۋعا, تويعا دايىندالىپ جٷرگەن.
نيگينانىڭ جاقىندارى ٸستٸڭ جان-جاقسى تەرگەلۋٸن تالاپ ەتٸپ وتىر. سونداي-اق قۇقىق قورعاۋ ورگاندارىنا ارىز تٷسٸرگەن. دەنەنٸ سويىپ تەكسەردٸ. سوت-مەديتسينالىق ساراپتاما دا تاعايىندالعان. تۋىستارى تەۋەلسٸز ساراپشىعا دا جٷگٸنگەن.
تالعار ورتالىق اۋداندىق اۋرۋحاناسىنداعىلار قىزدىڭ اناليزدەرٸ جاقسى دەيدٸ. ال وشاقتى پنەۆمونييا ٶمٸرگە قاۋٸپتٸ دياگنوزدىڭ قاتارىنا جاتپايدى دەپ وتىر. مەديتسينالىق مەكەمە باسشىسىنىڭ ايتۋىنشا, قىزدىڭ اپاسى نەمەرەسٸمەن ٷيگە بارىپ, اۋرۋحاناعا جاتقىزۋ ٷشٸن قايتا قايتىپ كەلەتٸنٸن ايتقان. ونىڭ بۇل ۋەدەسٸنەن كەيٸن دەرٸگەر باس تارتۋ حاتىن الماعان.
"اعاسىنا بٸرنەشە رەت تٷسٸندٸرٸپ ايتتىم. اناليزدە بەرٸ دۇرىس. مۇنى ول تەۋەلسٸز ساراپشىعا دا تەكسەرتتٸ. ناۋقاس ۋلانسا ەم اعزانى تازالاۋ ٷشٸن جٷرگٸزٸلەدٸ. اپاسى دەرٸگەردٸڭ كەڭەسٸنەن كەيٸن ٷيٸنە قايتىپ, كەيٸن قايتا كەلەتٸنٸن ايتقان. سوندىقتان دەرٸگەر ودان باس تارتۋ حاتىن الماعان", – دەيدٸ تالعار ورتالىق اۋداندىق اۋرۋحاناسىنىڭ ەمدەۋ ٸسٸ جٶنٸندەگٸ ديرەكتوردىڭ ورىنباسارى عالىمجان ەسەناليەۆ.
وسىعان قاتىستى الماتى وبلىسى پوليتسييا باسقارماسىنا سۇراۋ جولدادىق. ۆەدومستۆونىڭ مەلٸمەتٸنشە, 20 جاستاعى قىزدىڭ ٶلٸمٸنەن كەيٸن قىلمىستىق ٸس قوزعالعان.
"قازٸر وقيعانىڭ بارلىق مەن-جايىن تولىق, جان-جاقتى جەنە وبەكتيۆتٸ تٷردە انىقتاۋ ٷشٸن تەرگەۋ ٸس-شارالارى كەشەنٸ جٷرگٸزٸلٸپ جاتىر. سونىمەن قاتار سوتقا دەيٸنگٸ تەرگەپ-تەكسەرۋ اياسىندا مەديتسينالىق قىزمەتكەرلەردٸڭ مەديتسينالىق كٶمەكتٸ تيٸسٸنشە كٶرسەتپەۋ دەرەگٸ بويىنشا ەرەكەتتەرٸنە تيٸستٸ تەكسەرۋ جٷرگٸزٸلەدٸ", – دەپ مەلٸمدەدٸ پوليتسييا دەپارتامەنتٸ.
سوتقا دەيٸنگٸ تەرگەۋ جالعاسىپ جاتىر.
