فوتو: ktk.kz
تالعاردا ورىن العان قايعىلى وقيعا قوعامدى دٷر سٸلكٸندٸردٸ. 16 جاستاعى شەرزات پولاتتىڭ ٶلٸمٸ مەن ونىڭ وتباسىنا جاسالعان قاستاندىق اۋىر قىلمىس رەتٸندە تٸركەلٸپ, قۇقىق قورعاۋ ورگاندارىنىڭ ەرەكشە باقىلاۋىندا تۇر. وقيعاعا بايلانىستى تٷرلٸ قاۋەسەتتەر مەن جالعان اقپاراتتار جەلٸدە تارالىپ جاتىر. Ult.kz وسى وقيعاعا بايلانىستى رەسمي دەرەكتەر مەن قوعامنىڭ پٸكٸرٸن جينادى.
وقيعا حرونولوگيياسى
تالعار قالاسىندا 4 قازانعا قاراعان تٷنٸ قارجاۋباي نۇرىموۆتىڭ دٷكەنٸندە تۇتىنۋشىمەن شەرزات اراسىندا كەلٸسپەۋشٸلٸك تۋىندايدى. ونىڭ ارتى جانجالعا جالعاسادى. جانجالدىڭ سوڭى تٶبەلەسكە ۇلاسىپ, وقيعا ورنىندا ونىڭ ەكەسٸ مەن اعاسى دا سوققىعا جىعىلعان. 16 جاستاعى شەرزات پىشاقتالىپ, باسىنا مىلتىقپەن تيگەن سوققىدان اۋىر جاراقات الادى. ەكەسٸ شەرزاتتى اۋرۋحاناعا جەتكٸزگەنٸمەن, دەرٸگەرلەر ونىڭ ٶمٸرٸن ساقتاپ قالا المادى.
5-7 قازان 2024 جىل. قۇقىق قورعاۋ ورگاندارى جەدەل-تەرگەۋ امالدارىن باستادى. العاشقى دەرەكتەر بويىنشا وقيعاعا قاتىسى بار بٸرنەشە كٷدٸكتٸ انىقتالىپ, قاماۋعا الىندى. الماتى وبلىسىنىڭ پوليتسييا دەپارتامەنتٸ وقيعاعا قاتىستى اقپارات بەردٸ.
"كٸسٸ ٶلتٸرۋ فاكتٸسٸ بويىنشا پوليتسييا قىلمىستىق ٸس قوزعادى. وقيعانىڭ بارلىق قاتىسۋشىلارى ۇستالدى جەنە ۋاقىتشا ۇستاۋ يزولياتورىنا قامالدى. قازٸرگٸ ۋاقىتتا ٸستٸڭ بارلىق مەن-جايلارىنىڭ تولىقتىعىن, جان-جاقتىلىعىن جەنە وبەكتيۆتٸلٸگٸن قامتاماسىز ەتۋ ٷشٸن قاجەتتٸ تەرگەۋ ٸس-شارالارى جٷرگٸزٸلۋدە", - دەلٸنگەن پوليتسييا دەپارتامەنتٸ حابارلاماسىندا.
ارتىنشا الماتى وبلىسىنىڭ پوليتسييا دەپارتامەنتٸ ٶكٸلدەرٸ كٸسٸ ٶلتٸردٸ دەگەن كٷدٸكپەن ۇستالعانداردىڭ ۆيدەوسىن جارييالادى.
شەرزاتتىڭ وتباسى تەرگەۋدٸڭ ەدٸل, اشىق جٷرگٸزٸلۋٸن تالاپ ەتٸپ, تالعار ەكٸمدٸگٸنٸڭ جولىن جابادى. مارقۇم, 16 جاستاعى شەرزات پولاتتىڭ ەكەسٸ باس پروكۋرور بەرٸك اسىلوۆقا ٷندەۋٸندە جەرگٸلٸكتٸ بيلٸك ەرەكەتسٸز وتىر دەپ شاعىمدانادى.
"تالعار ەكٸمدٸگٸ, پروكۋرورى مەن ٸشكٸ ٸستەر باسقارماسىنىڭ باسشىسى ەشقانداي ٸس-ەرەكەت ٸستەمەي وتىر. قىلمىستى بۇرمالاپ وتىر. مەنٸڭ مارقۇم بولعان بالامنىڭ اتى-جٶنٸن دە بٸلمەيدٸ. حال-جاعدايىمىزدى سۇراۋعا دا شامالارى جەتپەي تۇر. تٷن ورتاسىندا بٸزدٸ تەرگەۋگە شاقىرىپ, ٶزٸمٸزدٸ قورقىتىپ, ارىز جازدىرتىپ وتىر. اشىق سوت بولۋىن تالاپ ەتەمٸن. ٶلەتٸن بالام ٶلدٸ, الاتىن بولسا, مەنٸ دە السىن, مەنٸ دە قاماسىن, بٸراق ەدٸل شەشٸم, اشىق سوت بولسىن", – دەدٸ قارجاۋباي نۇرىموۆ.
سودان كەيٸن تالعار اۋدانى ەكٸمشٸلٸگٸ دە جاعدايعا ارالاسىپ, رەسمي مەلٸمدەمە جاسايدى. ٸس ٸشكٸ ٸستەر مينيسترلٸگٸنٸڭ ەرەكشە باقىلاۋىنا الىنادى.
7-9 قازان 2024 جىل. شەرزاتتىڭ ٶلٸمٸنە نارازىلىق رەتٸندە جەرگٸلٸكتٸ تۇرعىندار وقيعا ورنىنا گٷل شوقتارىن قويىپ, ەدٸل تەرگەۋ جٷرگٸزۋدٸ تالاپ ەتتٸ. پروكۋراتۋرا قىلمىستىق ٸستٸڭ وبەكتيۆتٸ قارالۋىنا كەپٸلدٸك بەرەتٸنٸن مەلٸمدەدٸ. وسى ۋاقىتتا جەتٸ كٷدٸكتٸ قاماۋعا الىنادى, سوت ولاردى ەكٸ ايعا قاماۋ تۋرالى شەشٸم شىعارادى.
شەرزات پولاتتىڭ ٷيٸ ٶرتەندٸ
10-12 قازان 2024 جىل. قايعىلى جاعداي اياسىندا شەرزات پولاتتىڭ وتباسىنىڭ ٷيٸ ٶرتەندٸ. بۇل جاعداي قوعامدا ٷلكەن الاڭداۋشىلىق تۋدىردى. وبلىس ەكٸمٸ مارات سۇلتانعازيەۆ جاعدايدى باقىلاۋعا الىپ, ٶرتەنگەن ٷيدٸ قالپىنا كەلتٸرۋگە ۋەدە بەردٸ. سونىمەن بٸرگە, وتباسىعا ماتەريالدىق جەنە پسيحولوگييالىق كٶمەك ۇسىنىلدى, بٸراق مارقۇمنىڭ جاقىندارى كٶمەكتەن باس تارتتى. الماتى وبلىسىنىڭ پروكۋرورى بەرٸك اداموۆ وسى وقيعاعا بايلانىستى تٷسٸنٸكتەمە بەردٸ. ول پوليتسەيلەر ٶرتتٸڭ الدىن الا الماعانىنىڭ سەبەبٸن تٷسٸندٸردٸ.
"ولار ٷي ماڭىن پاترۋلدەۋ تۋرالى ٶتٸنٸش بەردٸ, پاترۋل قويىلدى. بٸراق پاترۋلدەۋ – پوليتسييا قىزمەتكەرلەرٸنٸڭ كٶشەنٸ تەكسەرۋ كەزٸندە جٷرگٸزٸلەدٸ. ولار تەرگەۋشٸگە ارىزبەن جٷگٸنٸپ, كەشكٸ ساعات جەتٸ-سەگٸزگە دەيٸن ٶتٸنٸش بەرگەن. ٶرت بەس ساعاتتان كەيٸن, تٷنگٸ ساعات بٸردە بولدى", - دەدٸ الماتى وبلىسىنىڭ پروكۋرورى.
ەلەۋمەتتٸك جەلٸدە قارجاۋباي نۇرىموۆتىڭ ٶزٸ ۆيدەو جارييالادى. ول ٷيٸنٸڭ ٶرتەنگەنٸن ەلدەكٸمدەردٸ مەڭزەپ:
"بالام ازداي ٷيٸمدٸ ٶرتەگەندەرٸڭ نە?!", - دەيدٸ ۆيدەودا.
ٷي ماڭىنان كانيستر مەن رەزٸڭكە قولقاپ تابىلدى. قۇقىق قورعاۋ ورگاندارى 600-گە جۋىق ادامنان جاۋاپ الىنىپ, تيٸستٸ ساراپتامالار تاعايىندالعانىن جەتكٸزدٸ.
وسى ارادا ەلەۋمەتتٸك جەلٸدە قىلمىستى "حۋتوردىڭ" جٸگٸتتەرٸ جاسادى دەگەن قاۋەسەت تارادى. تارالعان مەلٸمدەمەلەرگە ٸٸم ورىنباسارى باۋىرجان ەلەنوۆ تٷسٸنٸكتەمە بەرٸپ, كٷدٸكتٸلەر ەشقانداي قىلمىستىق توپپەن بايلانىسى جوق ەكەنٸن جەتكٸزدٸ.
"بٸز جەرگٸلٸكتٸ پوليتسييانى ولاردىڭ قىلمىستىق توپپەن بايلانىسى بار بولۋى مٷمكٸن دەگەن جايت بويىنشا تەكسەرۋ تۋرالى ۇسىنىس ەنگٸزەمٸز. بٸراق قازٸر وسى قىلمىستى اشۋ باستى مەسەلە بولىپ تۇر", - دەدٸ باۋىرجان ەلەنوۆ.
باسشىلىق پەن ەكٸمشٸلٸكتەگٸ اۋىس-تٷيٸس
تەرگەۋ بارىسىندا كٷدٸكتٸلەر سانى 11 ادامعا جەتەدٸ. جاۋاپقا تارتىلعانداردىڭ قىلمىسقا قاتىسى تولىق زەرتتەلٸپ, بەينەباقىلاۋ جازبالارى مەن كۋەگەرلەردٸڭ جاۋاپتارى جيناقتالادى. سونىمەن قاتار, تالعار قالاسىنىڭ جەنە اۋداندىق ەكٸمشٸلٸكتٸڭ بٸرنەشە باسشىسى وتستاۆكاعا جٸبەرٸلەدٸ. بۇل تۋرالى ەكٸمدٸك باسپاسٶزٸ حابارلايدى.
"تالعار قالاسىنىڭ ەكٸمٸ قۋاتبەكۇلى باحىت كٷرٸشبەكوۆ, تالعار قالاسى ەكٸمٸنٸڭ ورىنباسارى ماتان ساعىندىق ٶز مٸندەتتەرٸن تيٸستٸ دەڭگەيدە اتقارماعانى ٷشٸن لاۋازىمدارىنان بوساتىلدى. باسقا لاۋازىمداعى قىزمەتكەرلەردٸڭ جاۋاپكەرشٸلٸك دەڭگەيٸ پىسىقتالۋدا",– دەلٸنگەن حابارلامادا.
ودان بٶلەك, الماتى وبلىسى پروكۋرورىنىڭ ورىنباسارى سايان بەكٸروۆ پەن تالعار اۋدانىنىڭ پروكۋرورى ەسكەندٸر بەكمانوۆ تا قىزمەتٸنەن بوساتىلدى.
"حۋتورلىقتار" قىلمىستىق توبى شىنىمەن بار ما?
وسى ۋاقىت ارالىعىندا وقيعا اياسىنداعى قاۋەسەتتەر مەن ەلەۋمەتتٸك جەلٸدەگٸ حابارلار كٶبەيدٸ. ولاردىڭ كٶبٸ قىلمىستا "حۋتورلىقتار" دەپ اتالاتىن قىلمىستىق توپتىڭ قاتىسى بار دەگەن باستامانى ۇستاندى. بۇل ورىندا رەسمي اقپارات كٶزدەرٸ مەن شەنەۋنٸكتەر قىلمىستىق توپتىڭ "تٸركەۋدە جوق" ەكەنٸن اتاپ ٶتتٸ. مەجٸلٸس كۋلۋارىندا ٸشكٸ ٸستەر مينيسترٸنٸڭ ورىنباسارى يگور لەپەحا بۇل مەسەلەگە قاتىستى پٸكٸر بٸلدٸردٸ.
"قىلمىستىق ٸس بويىنشا بٸزدٸڭ قىزمەتكەرلەردەن قۇرالعان توپ جۇمىس ٸستەپ جاتىر. «حۋتورسكيي» قىلمىستىق توبى بار ما, جوق پا, ول تۋرالى مەن ايتا المايمىن. "ۇيىمداسقان قىلمىسپەن كٷرەس" باسقارماسى وسىنداي جاعدايلاردى باقىلايدى. قىلمىستىق ٸستٸ زەردەلەۋ اياقتالعان كەزدە ولار سٸزدەرگە جاۋاپ بەرەدٸ. نەگٸزٸ قىلمىستىق توپتار بويىنشا ەسەپتە تۇرعانداردىڭ تٸزٸمٸ بار", - دەدٸ ول.
شەرزات پولاتتىڭ ەكەسٸ جۋرناليستەر مەن بلوگەرلەرگە بەرگەن سۇحباتىندا بٸرنەشە رەت "حۋتورلىقتار" توبىنان قورقىتۋ مەن ٷركٸتۋلەر كەلگەنٸن مەلٸمدەدٸ. بۇل تۇرالى قۇزىرلى ورگاندار ناقتى جاۋاپتار مەن اقپارات تاراتپادى.
شەرزات پولاتتىڭ ٶلٸمٸ قوعامدا ەدٸلدٸككە دەگەن تالاپتى كٷشەيتتٸ. جەرگٸلٸكتٸ تۇرعىندار مەن بەلسەندٸلەر قىلمىستىڭ اشىق تەرگەلۋٸن جەنە كٸنەلٸلەردٸڭ جاۋاپقا تارتىلۋىن تالاپ ەتتٸ. سونىمەن قاتار, وقيعا ەلەۋمەتتٸك شيەلەنٸس تۋدىرىپ, وتباسىنىڭ قاۋٸپسٸزدٸگٸنە الاڭداۋشىلىق تۋعىزدى.
كٷدٸكتٸلەردٸڭ تۋىستارى مەلٸمدەمە جاسادى
كٷدٸكتٸلەردٸڭ اتا اناسى بالالارىنىڭ قىلمىسى ٷشٸن حالىقتان كەشٸرٸم سۇراپ, تەرگەۋدٸڭ ەدٸل ٶتۋٸن تالاپ ەتكەن بەينەٷندەۋ جارييالادى.
"ەلٸمٸزدەن, حالىقىمىزدان كەشٸرٸم سۇرايمىز. بالالارىمىزدىڭ ەرەكەتٸ ٷشٸن. بٸراق ەدٸل بولسىن. نۇرقانات تا (شەرزاتتىڭ اعاسى), قارجاۋباي دا (شەرزاتتىڭ ەكەسٸ) جاۋاپقا تارتىلسىن. بٸز سونى تٸلەيمٸز. ەكٸ جاقتى بٸردەي قاراڭىزدار", – دەگەن كٷدٸكتٸلەردٸڭ تۋىستارى.
ۆيدەوٷندەۋ جاساعاندار شەرزات پولاتتىڭ ەكەسٸ قارجاۋباي نۇرىموۆتى ەلدٸ دٷرلٸكتٸردٸ, جالعان اقپارات تاراتتى دەپ ايىپتادى. ودان بٶلەك ولار نۇرقانات عايىپباەۆتى دا ايىپتاپ, مىلتىقتى الىپ شىققان دەگەن مەلٸمدەمە جاسادى.
"قارۋدى بٸرٸنشٸ نۇرقانات كٶلٸگٸنەن الىپ شىققان. بالالارعا قاراي وق اتقان. بالالار تىنىش تۇرعان جەرٸنەن شەرزات مارقۇم بٸر بالانىڭ جاعىن سىندىردى. ويلاماعان جەردەن ۇرىپ جٸبەرگەن. ٶزدەرٸ مىلتىق پەن پىشاق الىپ شىققان. سودان جٸگٸتتەر كٶتەرٸلٸپ كەتكەن. كەشٸرٸم سۇرايمىز بالالارىمىز ٷشٸن. بٸزدٸكٸ دۇرىس ەمەس. بٸراق بالالاردى ارانداتپاسا بارلىعى تىنىش شەشٸلٸپ, بارلىعى ٷيٸنە كەتەتٸن ەدٸ. ولار شەرزاتتى ٶلتٸرەمٸز دەپ بارعان جوق", – دەيدٸ بەينەٷندەۋ جولداعان ەيەل.
نۇرقانات عايىپباەۆتىڭ جۇمباق ٶلٸمٸ
9 جەلتوقسان كٷنٸ پوليتسەيلەر تالعار شەتٸنەن ەر ادامنىڭ دەنەسٸ تابىلعانى تۋرالى اقپارات تاراتتى. باعدات ەشٸموۆتىڭ مەلٸمەتٸنشە:
"تالعار قالاسىنىڭ ماڭىنان 30 جاستاعى ەر ادامنىڭ دەنەسٸ تابىلدى. الدىن الا مەلٸمەتتەرگە سەيكەس, ول ٶز-ٶزٸنە قول سالعان. مارقۇم بيىل 4 قازاندا كٶز جۇمعان, كەمەلەتكە تولماعان شەرزات بولاتتىڭ اعاسى ەكەنٸ انىقتالدى. وسى فاكتٸ بويىنشا قىلمىستىق ٸس قوزعالدى. قازٸر بارلىق جايدى انىقتاۋ ٷشٸن تەرگەۋ امالدارى جٷرگٸزٸلٸپ جاتىر. وسى ۋاقىتتا قىلمىستىق سيپاتتاعى قانداي دا بٸر بەلگٸلەر انىقتالمادى".
ودان بٶلەك پوليتسييا مارقۇمنىڭ تۋىستارىنا جٸبەرگەن SMS-حابارلامالارىن دا جارييالادى.
"تەرگەۋ بارىسىندا مارقۇم تۋىستارىنىڭ بٸرٸنە ٶزٸنە-ٶزٸ قول جۇمساۋ تۋرالى مەسسەندجەردە جٸبەرگەن جازباسى انىقتالدى. حابارلامادا ول تۋىسقاندارىمەن قوشتاسىپ, جيەنٸنٸڭ جانىنا جەرلەۋدٸ سۇرادى", – دەيدٸ باعدات ەشٸموۆ.
قارا جامىلعان وتباسىنىڭ ادۆوكاتتارى باق ٶكٸلدەرٸنە مارقۇمعا ەشقانداي قىسىم جاسالماعانىن, شەرزات پولاتتىڭ ٶلٸمٸ وعان قاتتى باتقانىن جەتكٸزدٸ.
"بارلىق ماتەريالدىق قيىندىققا قاراماستان جەبٸرلەنۋشٸلەر ەت ساتىپ, ٶز تٸرلٸكتەرٸن جاساعانى قۋانتىپ ەدٸ. بٷگٸنگٸ وقيعا تٶبەمٸزدەن جاي تٷسٸردٸ. شەرزاتتىڭ ٶلٸمٸنە قاتىستى تەرگەۋ اياقتالۋعا جاقىن قالعان. بٸز سوت وتىرىسىنا دايىندالىپ جاتىر ەدٸك. مارقۇم نۇرقانات سوتتا جەبٸرلەنۋشٸ رەتٸندە جاۋاپ بەرۋگە دايىن جٷردٸ", - دەيدٸ ادۆوكات سايدا تەۋەكەلوۆا.
وتباسىنىڭ تاعى بٸر ادۆوكاتى مارال جايلاۋباەۆانىڭ ايتۋىنشا, نۇرقاناتقا شەرزات بالاسىنداي بولعان.
"نۇرعاناتقا قىسىم بولعان جوق. ال وتباسىنا جاسالعان باستاپقى قىسىم بويىنشا قاۋٸپسٸزدٸك شارالارى قابىلداندى. مورالدىق-پسيحولوگييالىق جاعدايى قيىن بولدى, شەرزات وعان بالاسىنداي بولدى. ال مارقۇمنىڭ كەشٸرٸم سۇراعانى تۋرالى ٸس ەلٸ دە تەكسەرٸلەدٸ", - دەدٸ مارال جايلاۋباەۆا.
وسى جاعدايدان كەيٸن وقيعالار شيەلەنٸستٸ. بٸرقاتار قوعام بەلسەندٸلەرٸ تالعارداعى جاعداي تۋرالى پٸكٸر بٸلدٸرە باستادى. ولار نۇرقانات عايىپباەۆ ٶزٸنە قول سالدى دەگەنگە سەنۋ قيىن دەيدٸ.
"قالاي بٸر ۋاقىتتا بٸرنەشە ادامعا حابارلاما جٸبەرەدٸ. ول ەردايىم اۋديوحابارلاما جٸبەرەدٸ ەكەن. جاي عانا حات جازىپ كەتە سالۋى مٷمكٸن ەمەس. سونىمەن قاتار نۇرقانات قاتەسٸز جازاتىن. مەنٸڭ ويىمشا حابارلامالاردى نۇرقانات جازباعان", - دەدٸ دٸنمۇحاممەد قاماتاي.
قارجاۋبايدىڭ قامالۋى, تەرگەۋدٸڭ اياقتالاتىن ۋاقىتى
قارجاۋباي نۇرىموۆ ٸنٸسٸن جەرلەۋ رەسٸمٸنەن كەيٸن ٶزٸن اگرەسسيۆتٸ ۇستادى دەگەن اقپارات جەلٸدە جەلدەي ەستٸ. رەسميلەر ونىڭ ۇستالعانى تۋرالى حابار تاراتتى. الدىمەن ۇلىنان كەيٸن ٸنٸسٸنەن ايرىلعان قارجاۋباي نۇرىموۆ باق ٶكٸلدەرٸمەن كەزدەسۋدٸ تالاپ ەتكەن. ال, الماتى وبلىسى پوليتسيياسىنىڭ ايتۋىنشا ول كەمەلەتكە تولماعان بالالار مەن اينالاداعىلارعا قاۋٸپ تٶندٸرگەن.
"ن. ەسٸمدٸ ازامات پروكۋروردىڭ زاڭدى ساقتاۋ تۋرالى تٷسٸندٸرمەسٸن ەلەمەي, ٶزٸن اگرەسسيۆتٸ ۇستادى, اينالاسىنداعى ادامدارعا قاۋٸپ تٶندٸرٸپ, سۋيتسيد جاسايمىن دەپ قورقىتتى. پوليتسييا قىزمەتكەرٸنە پىشاقپەن شابۋىل جاسادى. ونىڭ مٸنەز-قۇلقى ٶزٸنە دە, اينالاسىنداعى جاندارعا دا قاۋٸپ تٶندٸردٸ. ونىڭ جاعدايىنا الاڭداعان تۋىستارى مەن ادۆوكاتتارىنىڭ ٶتٸنٸشٸ بويىنشا پوليتسييا ن. ەسٸمدٸ ازاماتتى ۇستادى", – دەدٸ پوليتسييا.
15 تەۋلٸك پەن ەلدەن شىعارۋ جازاسى
پوليتسييا ۇستاپ ەكەتكەن قارجاۋباي نۇرىموۆپەن پسيحولوگتار جۇمىس جٷرگٸزگەن. ول دەنساۋلىعىنا بايلانىستى بٶلٸمشەدەن جەدەل جەردەممەن اۋرۋحاناعا جەتكٸزٸلگەن. ايتبەك امانگەلدٸ بۇل وقيعا تۋرالى پٸكٸر بٸلدٸردٸ.
"قازٸر سايدا مەن مارالمەن بايلانىستىم. ولار قارجاۋبايمەن بٸرگە اۋداندىق پوليتسييا بٶلٸمٸندە. پسيحولوگ تا پوليتسييا بٶلٸمٸندە. سونىمەن قاتار بٷكٸل وتباسىعا كٶمەك كٶرسەتۋ ٷشٸن تاعى ەكٸ پسيحولوگ جۇمىلدىرىلدى. بٷگٸنگٸ جاعدايعا قاتىستى ايتاتىن بولساق, وقيعا ەر ادامدار جەرلەۋگە كەتكەن كەزدە بولعان دەپ تٷسٸندٸم. ارتىنشا جاعداي ۋشىعىپ كەتكەن. ەيەلدەر ٷيدە وتىرعان. مەن ناقتى نە بولعانىن بٸلمەيمٸن. الداعى ۋاقىتتا سايدا جۋرناليستەرگە جاعدايدى تٷسٸندٸرەدٸ دەپ ويلايمىن",- دەدٸ ايتبەك امانگەلدٸ.
ودان بٶلەك قارجاۋباي نۇرىموۆ پەن ونىڭ ەپكەسٸ مەن قارىنداسىنا جازا قولدانىلعانى تۋرالى الماتى وبلىسى سوتتارى حابارلادى.
"دەلٸرەك ايتساق, ۇساق بۇزاقىلىق جاساعانى ٷشٸن (ەقبتك-نٸڭ 434-بابى, 1-بٶلٸگٸ) سالتانات نۇرىموۆا ەكٸمشٸلٸك جاۋاپكەرشٸلٸككە تارتىلىپ, وعان 20 اەك مٶلشەرٸندە ايىپپۇل سالىندى.
قازاقستان رەسپۋبليكاسىندا بەيبٸت جينالىستاردى ۇيىمداستىرۋ جەنە ٶتكٸزۋ تەرتٸبٸ تۋرالى زاڭنامانى بۇزعانى ٷشٸن (ەقبتك-نٸڭ 488-بابى, 8-بٶلٸگٸ) ازاماتتىعى جوق تۇلعا باحىت رەيٸموۆا 15 تەۋلٸككە ەكٸمشٸلٸك قاماۋعا الىنىپ, ودان كەيٸن قازاقستان رەسپۋبليكاسىنان دەپورتاتسييالاناتىن بولدى.
قوعامدىق ورىندا بىلاپىت سٶزدەر ايتىپ, قۇقىق قورعاۋ ورگاندارى قىزمەتكەرلەرٸنە قۇرمەت تانىتپاعانى ٷشٸن, سونىمەن قاتار قوعامدىق تەرتٸپ پەن ازاماتتاردىڭ تىنىشتىعىن بۇزاتىن ەرەكەتتەر جاساپ, كٶلٸك قوزعالىسىنا كەدەرگٸ كەلتٸرگەنٸ ٷشٸن (ەقبتك-نٸڭ 434-بابى, 1-بٶلٸگٸ) قارجاۋباي نۇرىموۆ 15 تەۋلٸككە ەكٸمشٸلٸك قاماۋعا الىندى".
ادۆوكاتتارى بۇل شەشٸممەن كەلٸسپەي اپەللياتسييالىق شاعىم تٷسٸرمەك. ادۆوكات سايدا تاۋەكەلدٸڭ ايتۋىنشا قارجاۋباي نۇرىموۆ ٶزٸنٸڭ ەرەكەتتەرٸ زاڭسىز ەكەنٸن تٷسٸنگەن. قورعاۋشىلار سوتتان وعان جەڭٸل جازا كەسۋدٸ, ايىپپۇل تٶلەتۋدٸ ٶتٸنگەن.
"بٸراق سوت پروكۋراتۋرانىڭ تالابىن قاناعاتتاندىرىپ, 15 كٷنگە قاماۋعا الدى. الايدا بٸز اپپەلياتسييالىق شاعىم جازىپ, جولداعالى جاتىرمىز", – دەدٸ ادۆوكات.
دەپۋتاتتار نە دەيدٸ?
ابزال قۇسپان:
"ەڭ جوعارى دەڭگەيدە قاداعالاۋعا الدىق, باقىلاۋدا ۇستاپ وتىرمىز دەگەننٸڭ ٶزٸندە تراگەدييا جالعاسىن تاۋىپ جاتىر. ەر تٷرلٸ ويلارعا جەتەلەيدٸ. ٶزٸمٸز دە ناقتى بٸردەڭە ايتا المايمىز. قۇقىق قورعاۋ ورگاندارى بٸزگە ەسەپ بەرمەيدٸ. ولار قاۋٸپسٸزدٸك كەڭەسٸنە باعىنادى".
ارداق نازاروۆ:
"قازٸر بٸزگە ەڭ ماڭىزدىسى, ەلدٸڭ اۋىز-بٸرشٸلٸگٸ, تەۋەلسٸزدٸگٸمٸزدٸڭ باياندىلىعى. ەگەمەندٸگٸمٸزگە سەلكەۋ تٷسٸرگٸسٸ كەلگەن ەلدەكٸمدەر ەرتٷرلٸ قۇيتۇرقى ەرەكەتتەرگە بارۋدا. بۇلاي بولمايدى. سوندىقتان دۇرىس اقپارات تاراتپاسا, حالىقتى دٷرلٸكتٸرسە, بٷلٸك شىعاراتىن بولسا مٸندەتتٸ تٷردە جازالانۋى كەرەك. «مۇنىڭ باسىندا كٸم تۇر, نە ٷشٸن بۇلاي جاساپ جاتىر?» دەگەن مەسەلەلەر زەرتتەپ, زەردەلەنۋٸ كەرەك. سوندا باسقالارعا ساباق بولادى".
رينات زايتوۆ باق ٶكٸلدەرٸنە بەرگەن سۇحباتىندا “شۋ كٶتەرٸپ جاتىرسىزدار” دەپ قالدى. ونىڭ ايتۋىنشا:
"بٸر جاعىنان دۇرىس ايتاسىز, يە قارا جامىلىپ وتىر. بٸراق بۇل قىلمىستىڭ اينالاسىندا سٸزدەردٸڭ بارلىقتارىڭىز شۋ كٶتەرٸپ جاتىرسىزدار. بلوگەرٸ بار, سٸزدەر بار. بٷكٸل قازاقستان بويىنشا ونداي تۇرمىستىق قىلمىستار بويىنشا تولىققاندى اقپاراتتى بەرٸپ جاتقان جوقسىزدار عوي. ماقانشىدا, ٷرجاردا ونداي جاعدايلار بولىپ جاتىر. مٷلدە ايتىپ جاتقان جوقسىزدار ول تۋرالى. سونىڭ كەسەلٸ دەپ ويلايمىن", - دەدٸ ول.
تەرگەۋ جىل سوڭىنا دەيٸن اياقتالا ما?
ٸشكٸ ٸستەر مينيسترٸنٸڭ ورىنباسارى سانجار ەدٸلوۆ تەرگەۋ تۋرالى پٸكٸر بٸلدٸردٸ.
"تالعارداعى كٸسٸ ٶلتٸرۋ دەرەگٸنە توقتالايىن. جىل سوڭىنا دەيٸن قىلمىستىق ٸستٸ تەرگەۋ اياقتالادى. قىلمىستىق ٸستٸڭ ماتەريالدارى تانىسۋعا ۇسىنىلادى. تەرگەۋ اياقتالۋ ساتىسىندا. جىل سوڭىنا دەيٸن بٸز بارلىق تەرگەۋ ەرەكەتٸ مەن ساراپتامانى اياقتايمىز. بٷگٸندە قىلمىستىق ٸسكە قاتىسى بار 11 كٷدٸكتٸ قاماۋدا وتىر. بارلىعى جاۋاپقا تارتىلادى. ولارعا پروكۋروردىڭ كەلٸسٸمٸ بويىنشا تٷپكٸلٸكتٸ ايىپ تاعىلادى", - دەدٸ سانجار ەدٸلوۆ مەجٸلٸستٸڭ جالپى وتىرىسىنان سوڭ.
سونداي-اق ول شەرزات پولاتتىڭ اعاسىنىڭ ٶلٸمٸ بويىنشا دا قىلمىستىق ٸس قوزعالعانىن اتاپ ٶتتٸ.
"سۋيتسيد بويىنشا قىلمىستىق ٸس قوزعالدى. كەشە سوت-مەديتسينالىق ساراپتامانىڭ نەتيجەسٸ جۇرتشىلىققا الدىن الا جەتكٸزٸلدٸ. (شەرزات بولاتتىڭ اعاسىنىڭ دەنەسٸنەن – اۆتور) زورلىق-زومبىلىق بەلگٸسٸ انىقتالمادى. قازاقستان زاڭى بويىنشا تەرگەۋ 2 اي جٷرگٸزٸلەدٸ, قاجەت بولعان جاعدايدا ول ۇزارتىلۋى مٷمكٸن. بارلىق نۇسقا ەسكەرٸلەدٸ. ونىڭ ٸشٸندە تۋىسقاندارىنىڭ دا نۇسقاسى ەسكەرٸلەدٸ", - دەدٸ سانجار ەدٸلوۆ.
تالعارداعى قايعىلى وقيعا شەرزات بولاتتىڭ قازاسى مەن ونىڭ وتباسىنا كٶرسەتٸلگەن قىسىم مەسەلەسٸن قوعام نازارىن اۋداردى. قۇقىق قورعاۋ ورگاندارى تەرگەۋدٸ تولىق اياقتاپ, كٸنەلٸلەردٸڭ جازالاناتىنىن ۋەدە ەتتٸ. وقيعانىڭ مەن-جايى الداعى ۋاقىتتا رەسمي تٷردە انىقتالاتىن بولادى.
بەكبولات مۇحتار
