تالعاردا جۋىردا عانا جٶندەۋدەن ٶتكەن №3 مەكتەپتەگٸ وقۋشىلاردىڭ اراسىنداعى دٷربەلەڭ ۆيدەوعا تٷسٸپ قالعان, - دەپ حابارلايدى Massaget.kz پورتالى "پياتىي رەگيون" سايتىنا سٸلتەمە جاساپ.
ۆيدەو Instagram ەلەۋمەتتٸك جەلٸسٸندەگٸ kris_p_talgar پاراقشاسىندا جارييالانعان. كادرلاردان سىرتكيٸم ٸلەتٸن بٶلمەدەن شىققان مەكتەپ وقۋشىلارى ەدەنگە قۇلاعان وقۋشىنى اتتاپ ٶتٸپ جاتقانى كٶرٸنەدٸ. كۋەگەرلەردٸڭ ايتۋىنشا, قىز ەسٸنەن تانىپ قالعان.
"مەكتەپتە جٶندەۋ جۇمىستارى ەندٸ بٸتتٸ, بٸراق دٷربەلەڭ! بالانى باساتىن بولدى عوي, مەكتەپ ەكٸمشٸلٸگٸ قايدا قاراپ وتىر? بۇل بالالار عوي. قىز گاردەروبتا قۇلاپ قالدى, ونى تاپتاپ كەتە جازدادى, قارايتىن كٷزەتشٸ دە, مۇعالٸم دە جوق. بۇنى كٸم قاداعالايدى?" - دەيدٸ اتا-انا ۆيدەودا.
"بۇل وقيعادان كەيٸن مەكتەپ وقۋشىلارى سىرتكيٸمٸن سىنىپقا اپاراتىن بولعان. ٶيتكەنٸ شتاتتا سىرتكيٸمدٸ ٸلەتٸن قىزمەتكەر جوق", - دەلٸنگەن جازبادا.
كەيٸن مەكتەپ ديرەكتورى وسى جاعدايعا بايلانىستى سٶگٸس العان. بۇل تۋرالى الماتى وبلىسىنىڭ ەكٸمدٸگٸ حابارلادى.
"وقيعا كەزٸندە كەزەكشٸ مۇعالٸم شىعابەرٸستە تۇرعان 6-سىنىپ وقۋشىسى قىسىلىپ, قۇلاپ قالعان. سىنىپتاستارى مەن كەزەكشٸ مۇعالٸم وعان تۇرۋعا كٶمەكتەستٸ, وقۋشى ەسٸنەن تانعان جوق", - دەلٸنگەن حابارلامادا.
قىزدىڭ جاعدايى جاقسى ەكەنٸ, ونىڭ دەنساۋلىعى مەن ٶمٸرٸنە قاۋٸپ جوق ەكەنٸ بەلگٸلٸ بولدى.
قازاقستان رەسپۋبليكاسى ەڭبەك كودەكسٸنٸڭ 64-بابى 2-تارماعىنا سەيكەس مەكتەپ ديرەكتورى ج.قۇماروۆا تەربيە جۇمىسىنداعى ولقىلىق ٷشٸن سٶگٸس تٷرٸندەگٸ تەرتٸپتٸك جازاعا تارتىلعانى اتاپ ٶتٸلگەن. سونداي-اق, وعان وقۋشىلاردىڭ قاۋٸپسٸزدٸگٸن قامتاماسىز ەتۋ جۇمىستارىن كٷشەيتۋ, اتا-انالارمەن اقپاراتتىق-تٷسٸندٸرۋ جۇمىستارىن ۇيىمداستىرۋ جٶنٸندە تاپسىرما بەرٸلگەن.
